Shabdakalpadruma 275.p1.2

275.p1.2

prakarttavyaśca satvastho yakṣyānnāsti yatirbhuviḥ
ekaṃ vedavidāṃ tasya sahasrādatiricyate
tasmāt yatnena yogīnamabhīcara jñānatatparam
yojayeddhavyakavyeṣu labhābhe vistarān dvijān
eṣa vai prathamaḥ kalpaḥ pradāne havyakavyayoḥ
anukarūpastvayaṃ jñeyaḥ sadā sadbhiranuṣṭhitaḥ
mātāmahaṃ mātulañca svastrīyaṃ śvaśuraṃ gurum
dauhitraṃ viṭpatiṃ bandhūntvigyāgyau ca bhojayet
na śrāddhe bhojayenmitraṃ dhanaiḥ kāryo'sya saṃgrahaḥ
paiśācī dakṣiṇā sā hi naivāsutra phalapradā
kāmaṃ śrāddhe'rcayenmitraṃ nābhirūpamapi tvarim
dviṣatā hi havirbhuktaṃ bhavati pretya niṣphalam
brāhmaṇastvanadhīyānastṛṇāgniriva śāmyati
tasmai havyaṃ na dātavyaṃ na ca bhakṣāṇi jñūyate
yathomare bījamuptā na vaptā labhate phalam
tathānṛce havirdattvā na dātā labhate phalam
yāvato grasate piṇḍān havyakavyeṣvamantravit
tāvato grasate pretya dīptāna śūlarddyayoguḍān
api vidyākulermukto hīnavṛttā narādhamāḥ
yatraite bhuñjate havyaṃ tadbhavedāsuraṃ dvijāḥ
yasya vedañca vedī ca vicchidyete tripuruṣam
eṣa tvabrāhmaṇo nāmaiḥ śrāddhādiṣu kadācana
śūdrapreṣyo bhṛto rājñā vṛṣalasyāmayājakaḥ
vṛṣalasyopajīvī ca ṣaḍte brahmabandhavaḥ
dattātmayogo duṣpārthaṃ patitānsaṃgrahabravīt
vedavikrayiṇo hote brāhmādiṣu vigarhitāḥ
śrutivikrayiṇo ye tu padapūrvyādyanudbhavāḥ
adhamān ye yājayanti patitāste prakīrttitāḥ
asaṃskṛtādhyāpakā ye bhṛtyarthe'dhyāpayanti ye
adhīyate tathā vedān patitāste prakīrttitāḥ
buddhaśrāvakanigrranthāḥ pañcarātrivido janāḥ
kāpālikāḥ pāśupatāḥ pāṣaṇḍā ye ca tadvidhāḥ
yasyānnāni havīṣyete durātmanastu tāmasāḥ