Shabdakalpadruma 416.4-2.11

416.4-2.11

karttavyamiti pratīyate | ataeva dattasyaiva pretapiṇḍasya miśrībhāva iti śrāddhavivekaḥ
yacca na cātra devaṃ bhojayet prāgeva deve arghyamannādyañca dattvā gandhamālyaiḥ pātramarcayitvā
hutaśeṣaṃ pitṛbhyaḥ pātreṣu dadyāt ityāśvalāyanavacane pitṛpātre devaṃ na miśrayediti kalpataruvyākhyānurodhena maithiloktaṃ sarvvaśākhināmanvācaraṇam | tanna yuktam | āśvalāyanena kātyānuśayasyoktatvāt bahvacānāmeva tathā yuktatvāt
na sāmagayajurvedinoḥ | tayoḥ padārthānuśayasyoktatvāt | atra sāmagajurvedinoḥ śrāddhakṣaye
samanvaye mantradarśanāttaccaiva mantrāttvayaḥ pitṛdayitādāvuktaḥ | vastutastu paurāṇikkatvāt devatābhya ityasya pāṭhavat sādhāraṇasmṛtikāraśātātapoktatvācca vibhāge'pi mantrāttvayo yuktaḥ
ataeva maithilairapi tathā likhitamiti
evañca pārvvaṇe prāguktavacanena śeṣadarśana piṇḍadānavidhānāt tadvikṛtāvapi sapiṇḍīkaraṇe
tanniyamāt yadyapi śeṣābhāve piṇḍaniṣṭattirāyāti tathāpi
“yathoktavastvasaṃprāptau grāhyaṃ tadanukāri yat
yavānāmiva godhūmā vrīhīṇāmiva śālayaḥ ||”
iti chandogapariśiṣṭavacanāt mukhyābhāve pratinidhiḥ śāstrārtha iti nyāyācca mantrādyabhāve
gur̤ādisahṛdayat dattvāntareṇāpi piṇḍadānam
śeṣadarśaniyamastu tatsambhave dattvāntaratyāgāya
anyathā tadaṅgābhāve karmmavaiguṇyaṃ syāt | sahapiṇḍakriyāyāṃ iti bhavantī pretapiṇḍasya saha
miśrīkaraṇaṃ yatreti sapiṇḍīkaraṇasamākhyāsiddhyarthaṃ sutarāṃ tatra tathācaraṇam | pratipattirūpakarmmāṅga eva pratipādyābhāve tannivṛttiḥ
paśuyāge lohitaṃ nirasyati sakkṛnnirasyati