Shabdakalpadruma 634.150.1

634.150.1

“māsma sīmantinī kācit janayet putramīdṛśam
sīmive | yo'smasyāyā dadhi śokasanantakam ||” )
sīmantonnayanaṃ, klī, (sīmantasya unnayanaṃ uttolanaṃ yatra |) saṃskāraviśeṣaḥ | iti jaṭādharaḥ
tadvidhānañca yathā,—
atha sīmantonnayanam
“yadi puṃsavanaṃ na kṛtaṃ tadā tasminneva dine
prāyaścittātmaka mahāvyāhṛtihomaṃ kṛtvā puṃsavanañca kṛtvā sīmantonnayanaṃ kāryyam | tathā ca
nāradaḥ
‘yeṣāntu na kṛtāḥ pitrā saṃskārāvidhayaḥ kramāt
karttavyā bhrātṛbhisteṣāṃ paitṛkādeva taddhanāt
avidyamāne pitrarye svāṃśāduddhṛtya vā punaḥ
avaśyakāryyāḥ saṃskārā bhrātṛbhiḥ pūrvvasaṃskṛteḥ
kramāt bhrātṛṇāṃ saṃskārāṇāñca paurvvāparyyakramāt
bhrātṛkramastu sodaraviṣaya eva | vivāhe tathā
darśanāt | chandogapariśiṣṭam
devatānāṃ viparyyāse juhotiṣu kathaṃ bhavet
sarvvaṃ prāyaścittaṃ kṛtvā krameṇa juhuyāt punaḥ
saṃskārā atipatyeran svakālāccet kathañcana
hutvaitadeva kurvvīta ye tūpanayanādayaḥ ||’
etadvityanena sarvvaṃ prāyaścittamanukṛṣya tacca prāgeva
vihṛtam | ubhayakaraṇe tantreṇaiva mātṛkāpūjādi
‘garbheṣuḥ kriyamāṇeṣu tu mātṛbhyaḥ pūjanaṃ sakṛt
sakṛdeva bhavet śrāddhamādau na pṛthagādiṣu ||’
iti chandogapariśiṣṭāt
gobhilaḥ | atha sīmantonnayanaṃ prathame garbhe caturthe
māsi ṣaṣṭhe'ṣṭame vā | atha puṃsavanānantaram
sīmantaḥ keśarācanāviśeṣaḥ | vāśabdennātra caturthādimāsānāṃ tulyavadvikalpaḥ| kintu pūrvvapūrvvakālaḥ praśastaḥ | samarthasya doṣādyogāt iti
nyāyāt | tataśca navamamāsādau prāyaścittaṃ kṛtvaiva
karttavyam | prathamagarbhe ityupādānāt | yadi