Shabdaratnakari 1.p51

1.p51

ratnākaraḥ payorāśiḥ pārāvāraḥ payonidhiḥ | sara'svānūrmimālī ca tatprabhedāḥ syuruttare || lavaṇeśusurāsarpirdadhikṣīrodakātmakāḥ | ambhaḥpuṣkaravāritoyajalavāḥ pāthovanārṇāḥ payaḥpanīyodakameghapuṣpasalilakṣīrāmbunīrāmṛtam | kīlālaṃ bhuvanaṃ kabandhakamale tajjīvanaṃ śambaraṃ nāraḥ puṃsi kamavyaye ghanaraso nāpastu bhūmni striyām || taraṅgo bhaṅga ūrmirvā strī 'vīcirlaharī same | guruṣūllolakallolau tanuṣūtkalikormiṣu | kūlaṃ rodhaḥ pratīraṃ triṣu taṭamuddadhestoyavṛddhau ca kūle velā dvīpastu na strī taṭamadhisalilaṃ na dvayorantarīpam | pārāvāre tu tīre paramitaradume pātramantastayoḥ syādāvartaścakramambubhrama udadhikaphaḥ puṃsi ḍiṇḍīraphenau || pūraḥ syādambhasāṃ vṛddhirodhaḥ sroto'mbhasāṃ 'srutiḥ | sphūrjayurvīci' vikṣepe pulinaṃ saikataṃ same || vālukā strī striyāṃ bhūmni sikatāḥ sikatāvatī | triṣu deśe sikatilaṃ bhramāḥ salilanirgamāḥ || parīvāho jalocchvāsaḥ prabhavo mūlamambhasām | cakrāṇi' puṭabhedāḥ syurbudbudasthāsakau samau