Shabdaratnakari 1.p52

1.p52

samudrīyaṃ' tu triṣvabdhibhave sāmudrikastvayam | samudrayātrādaivajño naustaristaraṇiḥ striyām || naudaṇḍaḥ kṣepaṇī nāvamatikrānte'tinu triṣu | nautārye triṣu nāvyaṃ syānnauśrṛṅge maṅgamastriyām || ardhanāvaṃ tu nāvo'rdhaṃ kūpako guṇavṛkṣakaḥ | secanaṃ' sekapātraṃ syādaritraṃ keni'pātakaḥ || abhriḥ strī kāṣṭhakuddālaḥ karṇadhārastu nāvikaḥ | kāṣṭhāmbuvāhinī droṇī' niyāmaḥ karṇadhārakaḥ || karṇaṃ pṛṣṭhasthitāritramuḍupaṃ plavakolako | yānapātraṃ pravahaṇaṃ poto bhede taraṇḍakaḥ || sāṃyātrikaḥ potavaṇik potavāhā niyāmakāḥ | śrātarastarapaṇyaṃ syātkūpakāstu vidārakāḥ || paulindā'stu jalājīvā jāliko dāsadhīvarau | kaivartī jālamānāyaḥ pavitraṃ śaṇasūtrakam || kuveṇī matsyadhānī syād baḍiśaṃ', mīnavedhanam | udvālo matsyabandhaḥ syādvarāṭastu kapardakaḥ || matsyajhaṣānimiṣāṇḍajapṛthuloma'visāraśakuli'mīnāḥ syuḥ| vaisāriṇo'tha śakalaṃ śalkamulūpaṃ ca tattavaci tritayam