Shabdaratnakari 1.p64

1.p64

mahendro malayaḥ sahyaḥ śuktimān ṛkṣaparvataḥ | vindhyaśca pāriyātraśca saptaite kulaparvatāḥ || kūto'strī śṛṅgaśikhare prapātastu bhṛguḥ samau | taṭaṃ triṣu nitambaḥ snuḥ sānuprasthe tu puṃsi vā || mekhalā kaṭako'strī syādgahvaraṃ tu guhā darī | kandaraḥ kandarā kuñjanikuñjau vā napuṃsakau || kuḍuṅgo'strī trayaścāmī vṛkṣādipihitāntare | prastaropalapāṣāṇagrāvāśmānaḥ śilā dṛṣat || girerupatyakādhobhūrūrdhvabhūmiradhityakā | sthūlopalā girerbhraṣṭā gaṇḍaśailāśca gaṇḍakāḥ || jharī tu nirjharajharāvutsaḥ prasravaṇaṃ gireḥ | śuṇḍī śauṇḍaṃ cūtako nā pādāḥ paryantaparvatāḥ || syācchilājatu śaileyaṃ giridhātustu gairikam | śastraṃ kālāyasaṃ tīkṣṇaṃ kṛṣṇaṃ pāraśavāyasī || girisāro'śmasāraśca sarakaḥ sāra āyasaḥ | dhūrtasiṃhāṇamaṇḍūrāṇyamūni trīṇyayomale || ayomaśistvayaskāntaḥ syādāyovikṛtiḥ 'kuśī | pītalohaḥ striyāṃ rītirārakūṭakamastriyām