Shabdaratnakari 1.p65

1.p65

pittalaṃ kapilohe syādrājarītirmaheśvarī | kāñcanī kapilā rāṣṭrī brāhmaṇī cāramastriyām || pañcalohaṃ gurujyeṣṭhaṃ niṣṭhuraṃ dārukaṇṭakam | anyalohaṃ siṃhamalaṃ malikāsarī striyām || kāṃsyaṃ ghaṇṭāsvanaṃ nāvyaṃ sauraṣṭraṃ ravaṇaṃ malam | kṛtrimaṃ lohajaṃ bhūrilohaṃ cāsurasaṃjñakam || sīso'strī trapusaṃ ca syādyogeṣṭaṃ bhujagāhvayam | trapu nāgaṃ cīnapaṭṭaṃ hemaghnaṃ yavaneṣṭakam || raṅgaṃ trapuvikāre tu triṣu trāpuṣamityadaḥ | gurupatraṃ trapu kṣobhyaṃ picchaṭaṃ mukhabhūṣaṇam || pārāsaṃ hemajaṃ raṅgaṃ vaṅgaṃ tamarukaṃ śaṭham | kācaḥ kṣāro'tha capalo rasaḥ sūtaśca pāradaḥ || kuruvindaṃ haṃsapādaṃ hiṅgulaṃ jātiliṅgakam | manaḥśilā tu kunaṭī nāgajihvā mahārasā || rañjanī rocanī viśuddhā rasanetrī vigandhikā | manoguptā ca nepālī karavīrā kalā ca sā