Bhargavanadika 2.151-2.3

2.151-2.3

sāhasāddhananāśaśca rāhoḥ prāṇadaśāphalam
tatphalamdeśāntare mahatsaṅgajñānaṃ¹ vijayaḥ² śubham
rājavargāddhanaprāptiḥ kulārthaṃ viṣṇupūjanam
saṃmānaṃ nṛpasaṃpattiḥ strīlābho³ bhūṣaṇaṃ tathā
sāhasārthalābhaśca⁴ rāhorantargate gurau
sukhopanītiḥ sutakarmalabdhivirogatā ratnavibhūṣasaṃbhavaḥ
supuṇyaśāstrārthavicārasaṃbhavaḥ surāridāyaṃ ca gate bṛhaspatau
anyaccadhanadhānyastriyo lābhaṃ rājapūsutāgamam
sarvapriyamavāpnoti rāhorantargate gurau
rāhorantargate jīve lagnātkendratrikoṇage
svoccasvakṣetrage vāpi tuṅgāṃśe svāṃśake'pi vā
abhīṣṭakāryamaiśvaryaṃ śatrunāśaṃ mahatsukham
rājavaṃśe rājayogaṃ mahiṣīva⁵ samaśnute
dine dine vṛddhimeti sitapakṣaśaśī yathā
vāhanādidhanaṃ bhūmirgṛhe⁶ godhanasaṃkulam
naiṛtyāṃ paścime bhāge prayāṇe rājadarśanam
yajñakāryārthasiddhiḥ syāt svadeśaṃ punaraṣyeti
upakurvan brāhmaṇānāṃ tīrthayātrādikarmaṇā
vāhanaṃ grāmalābhaśca devabrāhmaṇabhojanam
putrotsavādisantoṣo1 nityamṛṣṭānnabhojanam
nīce vāstaṃ gate vāpi ṣaṣṭhāṣṭavyayarāśige
śatrukṣetre pāpayukte dhanahānirbhaviṣyati
karmavighno mahāhāniḥ pāpacintā bhaviṣyati
kalatraputrapīḍādi hṛdrogaṃ rājakāryakṛt
bhojanāmbarapaśvādidānadharmajapādikam
bhuktyante rājakopaśca dvimāse ca dhanakṣayaḥ
jyeṣṭhabhrātṛvināśaśca mātṛpitrādipīḍanam
dāyeśāt2 ṣaṣṭharandhre vā riḥphe vā pāpasaṃyute
tadbhuktau dhananāśaśca dehapīḍā mahadbhayam
saptamadyūnanāthe tu apamṛtyubhayaṃ bhavet
svarṇaṃ ca pratimādānaṃ śivapūjāṃ ca kārayet
dehārogyaṃ mahatsaukhyaṃ śāntiṃ kuryādvicakṣaṇaḥ
tat phalam—