Bhargavanadika 2.151-2.5

2.151-2.5

kubhojanaṃ kodravajātipūrvakaṃ
videśavāso⁴ narapālakopaḥ⁵
dvitīyadyūnanāthena apamṛtyustathā bhavet
kṛṣṇāṅgāṃ mahiṣīṃ dadyāddānenārogyamādiśet
tatphalam—
nīcaiḥ kalahasaṃpattirdurācārasaho bhavet
durvyāpārādvastuhānī rāhorantargate śanau
tatphalam—
kumārgātkutsitopraśca⁶ dṛṣṭastatpārisekaḥ
asatāṃ saṅgatiścaiva rāhoḥ sūkṣmagate śanau
phalam—
gṛhadāhaśarīraiśca nīcairapahṛtaṃ dhanam
rogadarśanasaṃpattī rāhoḥ prāṇagate śanau
tatphalam—
dṛṣṭe varge dhanaṃ lābhaṃ vidyālābhaṃ śubhapriyam
satkarmasevanaṃ cāpi śāstrakarma samādiśet
vivāhaṃ mānalābhaṃ ca putralābhaṃ dhanāgamam
bandhukalyāṇasaṃpattī⁷ rāhorantargate budhe
sutasya siddhiḥ1 svasuhṛtsamāgamo
manovininditvamatīva jāyate
ratikriyābhūṣaṇakauśalodayo2
bhujaṅgasaṃvatsarahāriṇīndre
vidyālābho3 mahatsaukhyaṃ vātavyādhiśca4 saṃbhavam
putramitrasamāyogo5 rāhorantargate budhe
rāhorantargate saumye bhāgye vā svakṣeṃge'pi vā
tuṅge vā kendrarāśisthe putre vā kendralābhage
rājayogaṃ prakurvīta gṛhe kalyāṇavardhanam
vyāpāreṇa dhanaṃ lābhaṃ vidyāvāhanamuttamam
vivāhotsavakāryāṇi catuṣpājjīvalābhakṛt
saumye māsi mahatsaukhyaṃ svavāre rājadarśanam
sugandhapuṣpaśayyādi strīsaukhyaṃ cātiśobhanam
mahārājaprasādena dhanalābhaṃ mahādṛśam
dāyeśātkendralābhe vā duścikye bhāgyakarmage
dehārogyaṃ mahotsāha iṣṭasiddhiḥ sukhāvaham
puṇyaślokādikīrtiśca purāṇaśravaṇādikam
śubhadṛṣṭe śubhairyukte dāraputradhanaṃ padam
aiśvaryaṃ satataṃ6 brūyādvidyāśāstravicakṣaṇaḥ
vivāhayajñadīkṣāṃ ca dānadharmadayādhikam
bahudeśādhipatyaṃ ca naravāhanasaṃbhavam