Bhargavanadika 3.224.5

3.224.5

lagnādhipena saṃyukto⁷ dehakārśyaṃ dhanaṃ labhet
vittādhipena saṃyukta ṛṇado dhanadaśca saḥ⁸
tṛtīyādhipayuktaśced bhrātṛnāśaṃ kṛṣiṃ labhet
kṣetrādhipena saṃyuktaḥ saukhyaṃ mātṛvināśanam
putrādhipena saṃyuktaḥ putranāśastathā sukham
ṣaṣṭhādhipena saṃyukto vraṇadaśca daridradaḥ⁹
saptamādhipasaṃyuktaḥ sukhadaḥ strīvināśakaḥ
randhrādhipena saṃyukto bhāgyaghno vraṇakārakaḥ
bhāgyādhipena saṃyukte¹ pitṛnāśo'thavā vipat
kiñciddhanaṃ kṛṣerlābhaṃ gurorvāpi padaṃ labhet
karmādhipena saṃyukte² bhāgyavān bhavati dhruvam
lābhādhipena saṃyukte³ dhanadhānyasya lābhavān
vyayādhipena saṃyukte⁴ bahuduḥkhaṃ labhennaraḥ
eteṣāṃ vīkṣaṇādvāpi evameva phalaṃ labhet
ketorapyevameva⁵ syāditi śāstrasya nirṇayaḥ
dhanabhāvagato mando lābhapena samanvitaḥ
bhāgyādhipena vā yuktaḥ svalpalābho⁶ bhaviṣyati
dāyeśātkendrakoṇe vā rājapīḍā dhanavyayaḥ
⁷bandhudveṣo mahābhītirhṛdrogaḥ sarvahānikṛt
dāyeśāt kendrakoṇasthe lābhe vā dhanalābhakṛt
bhūlābhaścārthalābhaśca⁸ putralābho⁹ mahatsukham
gomahiṣyādilābhaśca¹⁰ aśvamūlyadhanapradaḥ
dāyeśādripurandhrasthe vyaye vā pāpasaṃyute
dhanadhānyādināśaśca¹¹ buddhiputravirodhikṛt
¹²udyogabhaṅgo dehārtiḥ svajanānāṃ mahadbhayam
dvisaptamādhipe mande apamṛtyubhayaṃ bhavet
taddoṣaparihārārthaṃ viṣṇusāhasrakaṃ japet
āyuḥpradaṃ kṛṣṇamantraṃ japecchāntirbhaviṣyati
kṛṣṇāṃ gāṃ mahiṣīṃ dadyāddānenārogyamādiśet
tatphalam—
kutsitaṃ sarvakāryeṣu bhinnatejaḥparābhavaḥ
parakāryapravṛttiśca gurorantargate śanau
tatphalam—
brahmahā grāmavartī ca videśādvastunāśanam