Bhargavanadika 3.224.6

3.224.6

utkrośāddhānyanāśaśca guroḥ sūkṣmagate śanau
tatphalam —
naṣṭendriyaprarogaśca¹ deśāntarapariśramaḥ
bandhuvittavināśaśca² guroḥ prāṇagate śanau
tatphalam—
jīvād budhāpahāre dharmaviruddho'śruto³ videśarataḥ
mandotsāhī capalo atipramādī vivādī ca
vaiśyavargāddhanaprāptiḥ kṣatriyairapi pūjanam
annadānena santuṣṭirbrāhmaṇairapi pūjanam
kusumaṃ śayanaṃ vastraṃ putrasya kṣetrasaṃbhavam
vivāhādbandhukalyāṇaṃ gurorantargate budhe
anyacca—
dviṇṇāśo rogaśamanaṃ dhanadhānyavivardhanam
sarvapriyamavāpnoti gurorantargate budhe
granthāntare—
jīvasyāntargate saumye kendralābhatrikoṇage
svoccage⁵ svakṣege vāpi daśādhipasamanvite
arthalābho⁶ dehasaukhyaṃ rājyalābho⁷ mahatsukham
mahārājaprasādena iṣṭasiddhiḥ sukhādhikam⁸
vāhanāmbarapaśvādi gṛhe godhanasaṃkulam
bhūmyātmajena sandṛṣṭe śatruvṛddhiḥ sukhaṃ kṣayaḥ¹
vyavasāyātphalaṃ naṣṭaṃ jvarātīsārameva ca
guhyarogabhayaṃ caiva kujayukte na saṃśayaḥ
tuṅgāṃśe svāṃśake vāpi yogakārakasaṃyute
naṣṭarājyaṃ dhanaprāptirbandhu²kalyāṇasaṃbhramaḥ
vivāhotsavakāryāṇi gṛhe lakṣmīkaṭākṣakṛt
paścimāṃ diśamāśritya prayāṇaṃ rājadarśanam
yatnakāryārthasiddhiḥ syātsandeśaṃ punareṣyati
dāyeśātkendrakoṇe vā tuṅge vā tuṅgabhāṃśake
svadeśe dhanalābhaśca pitṛmātṛsukhāvahaḥ
gajavājisamāyukto rājamātraprasādakaḥ
dāyeśāt ṣaṣṭharandhre³ vā vyaye vā pāpasaṃyute
śubhadṛṣṭivihīnaśceddhanadhānyaparicyutiḥ
videśagamanaṃ caiva mārge corabhayaṃ tathā
vraṇadāhārtirogaśca pāpayukte tu nīcage
lagnāt ṣaṣṭhāṣṭariṣphe vā randhre vā pāpasaṃyute
akasmātkalahaścaiva⁴ gṛhe niṣṭhurabhāṣaṇam