Shripatipaddhati (Jatakapaddhati) 8.11.p1.12

8.11.p1.12

arddhaṃ tṛtīyamarddhāttathārddhaṃ svācca saptamaṃ bhāgam
ekarkṣanavapañcamacaturthanidhanāstasaṃsthānām
dadyurgṛhā grahāṇāṃ svadaśāsvantardaśākhyānām
phalakālānmitravidhikrameṇa bhedāśca teṣvevam
ekakṣageṣu balavān bhāgaharo mitrato riporvā'pi
mitraṃ ca puṣkalaphalaṃ tasmin kāle ripornaivam
ekakṣopagatānāṃ yo bhavati balādhiko viśeṣeṇa
ekaḥ sa eva hartā nānye tatra sthitā vihagāḥ
arddhasyaikabhagastrikoṇagṛhagastryaṃśasyacāste nagāṃ
śasyāṅgheścaturasrago nijaguṇaiḥ pañcaikabhe syādbalī
........................ bahavaścettu te'khilam
kendrādigā grahāḥ sarve dadatyevāpahṛtya ca
antardaśā yadā syāt tricaturṇāmekarāśisaṃsthānām
vandhanavināśadainyaṃ vidadhātyaśubhagrahāṇāṃ tu
mūlapākapatiḥ pūrvaṃ dadyātyantardaśāṃ tataḥ
daśākramavaśādanye dadyurantardaśāṃ grahāḥ
dāyagasya tu sarvasya sahagasya dalaṃ bhavet
sutadharmagayostryaṃśaḥ pādaṃ mṛtisukhasthayoḥ
saptāṃśaṃ saptamasthasya prakriyāpyadhunocyate
daśārddhamekagehagastrikoṇago guṇāṃśakam
sukhe'ṣṭame yugāṃśakaṃ nagāṃśamastabhāsthitaḥ
kendrādividhinā cānye kecitpāṭhakrameṇa tu
śākobdājanimadhyamārkabhamukhaṃ māsādi tadyugdaśābdādyaṃ tatra śake samāditaraṇirmadhyo daśādau bhavet
ghasrībhūtadaśā pṛthak trikuhṛtā khāṅgāṣṭahṛttadyutā
sā syātsāvanikā daśābdaphalayuktadyuk janidyuvrajaḥ
tasmātsāvayavādvaṇotsvakaraṇātsādhyā daśādau khagāḥ
kṣepān janmakhagātprakalpya yadi vā sādhyā daśā sāvanāt
te spaṣṭāśca tithiśca saṅkramavaśānmāso daśādau tanuḥ
pūrvoktaṃ jaḍakame cātra tu mayā tallāghavaṃ darśitam