Shripatipaddhati (Jatakapaddhati) 8.11.p1.13

8.11.p1.13

pañcāśonadinadvayaṃ ca kalayetyāyuḥ kṛtaṃ dṛśyate
pakṣaiḥ kheṭalavāntareṇa ca bhavenmāsāntaraṃ cāyuṣaḥ
proktaṃ yaistu daśādilagnajaphalaṃ tebhyo'tidṛgbhyo namaḥ
karmārjitaṃ pūrvabhave sadādi yattasya paktiṃ samābhivyanakti
yadupacitamanyajanmani śubhāśubhaṃ tasya karmaṇaḥ paktim
vyañjayati śāstrametattamasi dravyāṇi dīpa iva
kheṭastasya yadaṣṭavargajaphalaṃ pūrṇaṃ śubhaṃ janmatanvindorvṛddhiṣu ca svabhoccabhasuhṛtsvatrikoṇe'sti yaḥ
duṣṭaṃ madhyabalaṃ viparyayagatasyāniṣṭamatyutkaṭaṃ
śastaṃ svalpataraṃ khagasya ca vadet jñātvā balaṃ tatvataḥ
balinaḥ syāttadā bhaṅgo daśāriṣṭasya taddhruvam
yuddhe ca vijayī tasmin grahayoge śubhe yadi
daśāyāṃ na bhavetkaṣṭaṃ khoccādiṣu ca saṃsthitaḥ
daśāpraveśe khacaraḥ svatuṅge mūlatrikoṇe yadi vā svagehe
śubheṣṭavargasthitikṛcchubheṣṭairdṛṣṭo daśāriṣṭaharo bhavetsaḥ