Pramāṇa · Search · About · API

Shukajataka 5: atha tṛtīyo'dhyāyaḥ

Śukajātaka 5

Language
Sanskrit

Contents

atha tṛtīyo'dhyāyaḥ

5.1

aṅganājanmapīḍakṣe gate tārādhipe tathā
jīvekṣite yute vā syādārtavaṃ garbhakāraṇam

5.2

bālā vṛddhāturā vandhyā muktvā cānyā sulakṣaṇam
trayodaśaniśāsnānān tatkālaṃ ca pracakṣate

5.1-2

'kujenduhetupratimāsamārtavaṃ gate tu pīḍakṣemanuṣṇadīdhitau
ato'nyathā śubhapuṅgrahekṣite nareṇa saṃyogamupaiti kāminī'
( bṛhajjātaka 4

5.3

)
strīṇāmupacayasthendoḥ śubhapuṅgrahavīkṣite
śubhodaye same rātrau niṣiñcet putrakāraṇam

5.4

arkendū jīvaśukro vā svarkṣe vā svāṃśakodaye
bhaumadṛṣṭiyute vā'pi puṃyogā syuramī: smṛtā:

5.5

lagnastho vā sutastho vā dharmastho vā balī guruḥ
proktarkṣe śubhavāre syād dhārayed garbhamuttamam

5.6

lagnātmajeśau saṃyuktāvanyo'nyaṃ cāpi vīkṣitau
kṣetre parasparasthau vā putrayogā ime smṛtāḥ

5.7

lagnaṃ muktvā viṣame ca balavān bhāskarātmajaḥ
sthitaḥ putraprado jñeyo nānyagrahanirīkṣitaḥ

5.8

puṅgrahāḥ ṣaṣṭhalābhasthāḥ paścameśo balī yadā
sarve viṣamarāśisthāḥ putrayogā ime smṛtāḥ

5.9

candraśukrodaye vāpi paścame daśame'pi vā
svarkṣe vā svāṃśake vāpi strīyogāḥ śāstravīkṣitāḥ

5.10

rāhūdaye candradṛṣṭe viparīte tathā yadi
candrahorāgate śukre candrasthe vā tathaiva ca

5.11

dvādaśasthe vā budhe lagne dṛṣṭe vā daśame'pi vā
yamalaṃ kurute yogaḥ strīpuṃso rāśisaṃśrayāt

5.12

samarkṣagau candraśukrau dvādaśasthe vā budhodaye
viṣameṣvārajīvau vā yamalau syānna saṃśayaḥ

5.13

catuṣpadaṃ gate mānau śeṣairvīryasamanvitaiḥ
dviṃtanusthaiśca yamalau bhavataḥ kauṣṭaveṣṭitau

5.14

atha ṣaṇḍhayogamāha
anyo'nyamabhivīkṣete candrādityau divā yadi
budhamandau tathā rātrau ṣaṇḍhayogadvayaṃ bhavet

5.14.p1

'anyo'nyaṃ yadi paśyataśśaśiśiravī yadyārkisaumyāvapi
vakro vā samagaṃ dineśamasame candrodayau cet sthitau
yugmāvarkṣaṃgatāvapīnduśaśijau bhūmyātmajenekṣitau
pumbhāge sitalagnaśītakiraṇāḥ ṣaṭ klībayogāḥ smṛtāḥ||'

5.14.p2

bṛhajjātaka 4|13

5.14.p3

'anyo'nyaṃ raviśaśijau viṣamau viṣamarkṣaṃgau nirīkṣyete
indujaraviputrau vā tathaiva napuṃsakaṃ kurutaḥ
vakro viṣame sūryaḥ samagaścaivaṃ parasparālokāt
viṣamarkṣe lagnendū samarāśigataḥ kujo'valokayati
budhacandrau kujadṛṣṭau viṣamarkṣasamarkṣagau tathaivoktau
ojanavāṃśakasaṃsthā lagnendusitāstathaivoktāḥ||'

5.14.p4

bṛhajjātaka-ṭīkā, pṛ0 54|55

5.15

vivījināmime yogā niṣphalāśca bhavanti hi
ardhāvṛtaguṇairhīnā yathā yogāstathāvidhāḥ

5.16

garbhamāsa-kathana
kalalaṃ prathame māsi tasya māsādhipo bhṛguḥ
dvitīye māsi bhaumeśo garbhapiṇḍākṣabījavat

5.17

garbhāṅkurastṛtīye syāttasya māsādhipo guruḥ
majjāsthisambhavo māsi caturthe bhāskaro'dhipaḥ

5.18

pañcame māsi someśastvagmedorajasambhavaḥ
garbhāṅgasambhave ṣaṣṭhe tasya māsādhipaḥ śaniḥ

5.19

jñānendriyayutaḥ paścātsaptamāseśvaro budhaḥ
bhavaneśo'ṣṭame māsi kṣuttṛṣṇāsambhavo bhavet

5.20

udvegigarbhasaṃsthaśca māseśo navame śaśī
prasūtirdaśame māsi māseśo bhāskaraḥ smṛtaḥ

5.20.p1

'kalalaghanāṅkurāsthicarmāṅgajacetanapāḥ
sitakujajīvasūryacandrārkibudhāḥ parataḥ
udayapacandrasūryanāthāḥ kramaśo gaditāḥ
bhavati śubhāśubhaṃ ca māsādhipateḥ sadṛśam

5.20.p2

bṛhajjātaka 4|16

5.21

'kujāsphujijjīvaravīndusauraśaśāṅkalagnendudivākarāṇām
māsādhipatyaprabhavo na caiṣāṃ jayopaghātairgrahavad bhavanti'
'kalalaghanāvayavāsthitvakromasmṛtisamudbhavāḥ kramaśaḥ
māseṣu śukrakujajīvasūryacandrārkisaumyānām
aśanodvegaprasavāḥ parato lagneśacandrasūryāṇām
kaluṣaiḥ pīḍā patanaṃ nipīḍitairnirmalaiḥ puṣṭiḥ'
māsalakṣaṇayuktaśca garbhasukhamavāpnuyāt
ūnādhikā guṇāstasya jñātvā prasavamādiśet

5.22

yadā māsādhipo rikto bhagno vā'stagato'pi vā
tasmin māsi kṣayaṃ yāti prasavo vā bhaviṣyati

5.23

garbhādhānāccare rāśau daśame māsi sūyate
sthire caikādaśe māsa ubhaye dvādaśe savaḥ

5.24

niṣekakāle yatproktaṃ phalaṃ praśne samādiśet
garbhapraśne tu nārīṇāṃ bhānuje viṣamarkṣaje

5.25

puṅgraheṇa yute dṛṣṭe pumān bhavati niścitam
puruṣasparśane praṣṭā puruṣākṣaramuccaran

5.26

dehasya dakṣiṇe bhāge sparśanena pumān bhavet
anyathā strīprasūtiḥ syāt strīgraheṇa yutekṣaṇāt

5.27

lagnendro yo balavān tasya dvirāṃśakānvito yo rāśiḥ
yāvattasmāttāvatkālātparato rāśisthitau vidhau prasavaḥ

5.28

'tatkālamindusahito dvirasāṃśako yastattulyarāśisahite purataḥ śaśāṅke
yāvānudeti dinarātrisamānabhāgastāvadgate dinaniśoḥ pravadanti janma'
'yatsaṅkhye dvādaśāṃśe śītaraśmiryadavasthitaḥ
tatsaṅkhyo yastato rāśirjanmendau tadgate vadeta'
'yasmin dvādaśabhāge garbhādhāne vyavasthitaścandraḥ
tattulyarkṣe prasavaṃ samādiśet prājñaḥ' || (sārāvalī 8|48)
tatkālendunavāṃśājjāmitre śītagau sthite prasavaḥ
udaye navāṃśādhipateḥ kṣetre yāte vidhau prasavaḥ

5.29

rātryādirāśibhāgād bhukte tāvad gate rātrau
hibukeśe balayukte śubhayoge vā sravati garbhaḥ

5.3-2

iti śrībrahmarṣiviracite śukajātake niṣekajanmādhyāyastṛtīyaḥ

5.1-3

atha caturtho'dhyāyaḥ:
pravakṣyāmi samāsena sadyo maraṇameva ca
jātasya pūrvaṣaṭkasthā ye grahāste śubhapradāḥ

5.2-2

grahā ye paraṣaṭkasthāḥ parokṣaphaladāyinaḥ
bhānuḥ pitā hi jantūnāṃ candro mātā tathaiva ca

5.3-3

tayorbalābalaṃ jñātvā pitṛmātṛguṇān vadet
pāpadṛṣṭiyuto bhānuḥ pāpamadhyagato'pi vā

5.4-2

pitrariṣṭaṃ vijānīyācchiśorjātasya niścitam
bhānau, ṣaṣṭāṣṭamarkasthaiḥ pāpaiḥ saumyavivarjitaiḥ

5.5-2

caturasragate vāpi pitrariṣṭaṃ vinirdiśet
bhaumāṃśakasthite bhānau svaputreṇa nirīkṣite

5.6-2

prāgjanmato nivṛttiḥ syānmṛtyurvāpi śiśoḥ pituḥ
bhaumaḥ sūryāṃśake yuktaḥ sukhabhe dharmabhe tathā

5.7-2

nekṣito budhaśukrābhyāṃ nekṣate pitaraṃ śiśuḥ
mātrariṣṭaṃ tu candreṇa jñātvaivaṃ pūrvavad vadet

5.8-2

kṣīṇacandrāttrikoṇasthaiḥ pāpaiḥ saumyavivarjitaiḥ
mātā parityajed bālaṃ ṣaṇmāsānnātra saṃśayaḥ

5.9-2

ekāṃśakasthau mandārau yatra tatra sthitau yadi
rāśitrikoṇasthaiḥ pāpaistathā saumyavivarjitaiḥ

5.10-2

tayorbalābalatvena pitṛmātṛgrahodbhavaḥ
mūrtau balānvito yasya pitṛveśmani sambhavaḥ

5.11-2

'kṣīṇacandrātrikoṇasthaiḥ pāpaiḥ saumyavivarjitaiḥ
mātā parityajed bālaṃ ṣaṇmāsācca na saṃśayaḥ
ekāṃśakasthau mandārau yatra kutra sthitau yadā
śaśikendragatau tau vā dvimātṛbhyāṃ ca jīvati'
cararāśyaṃśake bhānau cararāśyaṃśakodaye
śiśoḥ pitā videśasthastato lagnaṃ na dṛśyate

5.12-2

lagnaṃ na dṛśyate candraścararāśyaṃśakasthitaḥ
parokṣagaḥ pitā tasya sūtikāle na saṃśayaḥ

5.13-2

vāgīśe nīcasaṃsthe ca candre rāśyaṃśasandhige
mūko vāpi jaḍo vāpi saumye pāpasamanvite

5.14-2

bhāgyabandhugataiḥ pāpairlagneśe balavarjite
sūtikāle pitā duḥkhī śiśo ripvaṣṭame'pi vā

5.15-2

arkāṃśake sthite mande cārkaiṇeva nirīkṣite
janmakāle pitā rogī kujadṛṣṭe'thavā yute

5.16-2

na paśyati guruścandraṃ lagnaṃ ca parajātakaḥ
sārkandunekṣite jīve sūryendū pāpasaṃyutau

5.17-2

ekastho vā pṛthakstho vā nekṣate guruṇā tathā
dṛśyate no śubhairvāpi sa bālaḥ parajātakaḥ

5.18-2

atha kālāṅgavibhāga tathā dreṣkāṇāṅgavibhāga cakra
rāśi lagna rāśi dvitīya rāśi tṛtīya rāśi caturtha rāśi pañcama rāśi ṣaṣṭha rāśi saptama rāśi aṣṭama rāśi navama rāśi daśama rāśi ekādaśa rāśi dvādaśa rāśi
prathama dreṣkāṇa śira netra kāna nāsikā kapola cibuka mukha cibuka kapola nāsikā kāna netra
dvitīya dreṣkāṇa kaṇṭha skandha bhujā pārśva hṛdaya udara nābhi udara hṛdaya pārśva bhujā skandha
tṛtīya dreṣkāṇa vasti liṅga, gudā aṇḍa- kośa ūru jānu jaṃghā pāda jaṃghā jānu ūru aṇḍa- kośa liṅga, gudā
krūrarāśyaṃśake candre gururāśyaṃśake'pi vā
pūrvoktayogasambhūtena paraijāta iṣyate

5.19-2

kālasyāṅgavibhāgeṣu yasminnaṅge śubhagrahāḥ
tatra lakṣma nṛnārīṇāṃ cintayettannimittajam

5.20-2

sadyo maraṇayogāśca bahavaḥ śāstravīkṣitāḥ
ebhyaḥ siddhāni yogāni lakṣyante'tra samāsataḥ

5.21-2

pitṛdoṣairmṛtāḥ kecit kecidbālagrahaistathā
apare'riṣṭayogādyaistrividhā bālamṛtyavaḥ

5.22-2

eṣāṃ sūkṣmataraṃ jñātvā śiśordoṣaguṇān vadet
ādvādaśābdaparyantamāyurjñātuṃ na śakyate

5.23-2

japahomacikitsādyairbalaṃ rakṣet prayatnataḥ
rāśisandhiṣu ye jātāste bālā gatajīvinaḥ

5.24-2

pāpadṛṣṭo yuto vāpi niḥsaṃśaya iti smṛtaḥ
gaṇḍānteṣūdbhavo bālo mātṛpitṛkulāntakaḥ

5.25-2

yadi jīvetsa bhūpālo gajavājisamanvitaḥ
candrādityau tṛtīyasthau krūrabhe krūrasaṃyutau

5.26-2

vyādhistasya vijānīyāttrivarṣānnātivartate
horāyāṃ kaṇṭakasthendornidhaneśasamanvite

5.27-2

nidhanasthaparaḥ kaścijjātamātro na jīvati
sahitau janmajāmitre yasyāṅgārakabhāskarau

5.28-2

rāhūdaye yadā jāta ādaśāhānmṛtirbhavet
caturasragatāḥ pāpā vāmadakṣiṇato'pi vā

5.29-2

tadopavyādhimāpnoti daśarātri na jīvati
yadi dreṣkāṇajāmitre yasya syād dāruṇo grahaḥ

5.30

kṣīṇacandre vilagnasthe sadyo harati jīvitam
āpoklimasthitāḥ sarve grahā balavivarjitāḥ

5.31

ṣaṇmāsaṃ vā dvimāsaṃ vā tasyāyuḥ samudāhṛtam
vilagnādhipatau nīce nidhane cārkage bhavet

5.32

kṛcchreṇa jīvitaṃ vidyāt tṛṇaprāyo bhaviṣyati

5.33

ketorudayātpūrvaṃ paścādulkādipātasañjātaḥ
raudre sārpamuhūrte prāṇebhyastājyate jantuḥ

5.34

tīvraphalarājayogā yavanādyairye vinirmitāsteṣu
jāyante khalu kulajā'riṣṭaṃ teṣāṃ prasūtānām

5.35

grahaṇapariveṣakāle jātāḥ pāpagrahe vilagnasthe
lagne balena hīne jīvanti varṣatrayaṃ māsaṃ vā

5.36

aṃśādhipajanmapatī lagnapatiścāstamupagato yasya
janmavatsare maraṇaṃ tasya bhavet katipayāhena

5.37

sandhicatuṣṭayakāle jāte mṛtyuṃ samādiśettajjñaḥ
pāpadṛṣṭo yuto vā śīghraṃ saumyairadṛṣṭayutaḥ

5.38

vilagnadreṣkāṇanavāṃśanāthā, nighanāntyaristhāḥ sthitirāśisaṅkhyaiḥ
lagnādhipo'bdaiśca dreṣkāṇanātho māsairnavāṃśādhipatirdinaiśca

5.39

udayātmanāstabandhuvyayanavamasthaḥ sapāpenduḥ
maraṇamavaśyaṃ kurute saumyagrahavīkṣito na syāt

5.40

lagnādhipajanmapatī ṣaṣṭhāṣṭamariṣphagau prasavakāle
cāstamitau maraṇakarau rāśipramitairvarvedevabdaiḥ

5.41

lagnādhipatiścandro maraṇapadastho hi kaṣṭatāṃ jātaḥ
rāhuyuto dṛṣṭo vā nidhanaṃ syātsaptavarṣeṇa

5.42

kṣīṇe pade śaśāṅkaṃ paśyeddha rāhuḥ samāgataṃ pāpaiḥ
janmeśo'stamayasthe nidhanaṃ ṣaṣṭhāṣṭame varṣe

5.43

horādhipatirdyūne rāhuyuto maraṇameva vidadhāti
divasaistrisaptasaṅkhyairmāsairvarṣaiśca vā niyatam

5.44

arkenduyogarāśiḥ pāpayuto yasya kendranavamasthaḥ
nidhanaṃ kurute'vaśyaṃ viṣajalahetubhirnaṃ sandehaḥ

5.45

yasyā'ṣṭamage pāpe lagneśe pāpasaṃyute kendre
saumyayutidṛṣṭihīne nidhanaṃ syātsaptame varṣe

5.46

ravinā yuktaḥ śaśijaḥ saumyairdṛṣṭo vināśayati nūnam
ekādaśabhirvarṣairdevāṅge'pi sthitaṃ jātam

5.47

atha meṣādīnāmaṃśeṣu jātasyāriṣṭamāha
janne 8 dhānye 9 rudra 11 raudra 21 mukhena 25
yajño 1 bhānu 4 gotra 23 jāyā 18 narajñā 20
patri 21 nityaṃ 20 mṛtyuyogāḥ krameṇa
meṣādīnāṃ teṣu jāto gatāyuḥ

5.48

atha candrāṃśajātasyā'riṣṭamāha
kṣīra 24 priyo 12 loka 13 mukhe 25 na rājñaḥ 20
kāvyā 11 ntare 26 bhāgya 14 lokaṃ 13 mukhena 25
saummī 7 rājyaṃ 12 mṛtyuyogāḥ pradiṣṭā
meṣādīnāṃ varṣasaṅkhye himāṃśau

5.49

atha mātṛhāyogāḥ
mṛtyubhāgasthitaścandraḥ pāpayuktena saumyagaḥ
nidhane vāpi kendre vā mātrā saha vinaśyati

5.50

lagnāccaturthagaḥ pāpo yadi syādbalavattaraḥ
tadā mātṛvadhaṃ kuryāt tatkendre nā'paro yadi

5.51

candrād daśame bhānurmāturmaraṇaṃ karoti pāpayutaḥ
śukrātpaścame bhavane sauriḥ pāpena sandṛṣṭaḥ

5.52

athā'riṣṭahāyogāḥ
saurikujau śubhavargau bhavato yadi janmasamaye'pi
mātṛvadhākhyaṃ doṣaṃ kurute naiva munibhirākhyātam

5.53

jananījanakavadhākhyaṃ doṣaṃ ye'nye vidadhyuriha pāpāḥ
vilayaṃ yānti nikāmaṃ sūryasute cāpasaṃsthite ca

5.54

tigmaruciḥ kila kurute vipriyamevānyarāśigo jananī
meṣamṛgādhipagāmī śubhado doṣāpahārakaḥ kathitaḥ

5.55

balī kendropagaḥ saumyo nidhaneśavivarjitaḥ
ariṣṭayoganāśāya praśne vā janane'pi vā

5.56

kṣetragrahodaye vāpi sukhabhe daśame'pi vā
nāthayukto balī yasya yogāriṣṭaṃ vinaśyati

5.57

anekāriṣṭayogeṣu bālo jīvati yatnataḥ
jātasya candralagne ca sarvagrahanirīkṣate

5.4-3

iti brahmarṣiśukadevaviracite śukajātake sadyomaraṇayogāriṣṭabhaṅgākhyā'dhyāyaścaturthaḥ

5.1-4

uktaṃ bālāriṣṭaṃ yogāriṣṭaṃ prayatnato vakṣye
yogāriṣṭadaśāyāmubhayostulyaṃ yadā tadāriṣṭam

5.2-3

hore care'rkasaṃ the janmeśe vāpi saumyadṛgaghīne
kendragataiḥ pāpaiḥ syājjātakasya viśatermṛtyuḥ

5.3-4

nīcāṃśakasthitaścandraḥ ṣaṣṭhāṣṭamasthaḥ kṣayī ca maraṇakaraḥ
kujamandābhyāṃ dṛṣṭastasyāyuḥ pañcaviṃśatiparam

5.4-4

aṣṭāviṃśativarṣe maraṇaṃ candrārkarāhavaḥ syurudayasthāḥ
kurvanti tadā jātaṃ jīve vyayage tathā niyatam

5.5-3

candralagnāṣṭamapatī kendragatāvaṣṭame grahāḥ
keciddvātriṃśanmaraṇaṃ nā'nyagrahayute kendre

5.6-3

candre kṣīṇe svarkṣe nidhaneśe kendrage'ṣṭame pāpe
lagneśe balahīne jātaḥ paramāyurātriṃśat

5.7-3

horānidhanādhipayoḥ kendramṛtyurāśisaṃsthitayoḥ
pāpā nidhane tasmānmṛtyuḥ saptaviṃśatitame varṣe

5.8-3

randhreśvaro bhāgyalagnātmajastho lagnādhipe krūradṛṣṭe'ṣṭamasthe
jātaścaturviṃśativarṣamāyuḥ śubhekṣite cedapamṛtyuśeṣaḥ

5.9-3

pāpodaye suragurau śanidṛṣṭarāhuṇā sameto'nyakaścit
nidhanagate maraṇaṃ janayed dviradamaḍkhyābdaiḥ

5.10-3

horeśe cāṣṭamagate sakrūrau candrabhāskarau sutagau
nidhaneśe kendragate jātaḥ paramāyurātriṃśat

5.11-3

aṣṭamādhipatau kendre lagneśe balavarjite
triṃśaddvaṣaṇyasau jīved dvātriṃśajjātakaḥ kramāt

5.12-3

āpoklimasthite candre lagneśe ca tathaiva ca
pāpekṣite balairhīne jīvatyaṣṭacaturguṇam

5.13-3

guruśukrau ca kendrasthau lagneśe pāpasaṃyute
āpoklimasthe saṅkhyāyāṃ jātasyāyū ravitrayam

5.14-3

sūryendū lagnagau yasya kendrāṣṭamavivarjitaiḥ
saumyaiḥ kulikavelāyāṃ jātasyāyū ravitrayam

5.15-3

aṣṭamādhipatau lagne sthirarāśau ca jāyate
catvāriṃśadabdairmaraṇaṃ randhreṇa śubhasaṃyute

5.16-3

lagneśe nidhanāṃśasthe lagnāṃśe nidhaneśvare
pāpayutau ca sañjātaḥ pañcāśadvarṣajīvitam

5.17-3

yasya kendre pāpayukte lagneśe krūravarjite
ṣaṣṭivarṣātparaṃ nāsti pāpaiḥ pañcamasaṃsthitaiḥ

5.18-3

lagneśe vyayasaṃsthe ca kṣīṇe pāpayute'pi vā
ṣaṣṭivarṣātparaṃ nāsti na lagne ca bṛhaspatiḥ

5.19-3

aṣṭamādhipatau kendre bhaume lagnaṃ samāśrite
arkārkajau triṣaṭkasthau jīved rudracaturguṇam

5.20-3

vargottamāṃśake candre lagneśe pāpavīkṣite
saumyairbalavihīnaiśca dvādaśābdacaturguṇam

5.21-3

saumyaiḥ pāpāṃśakarkṣasthaiḥ pāpaiḥ kendragataistathā
madhyamāyurayaṃ yogaḥ saumyaiḥ kendravivarjitaiḥ

5.22-3

dviśarīrodayagate mande'ṣṭame vyaye vāpi
jātastatra manuṣyo jīved varṣaṃdvipañcāśat

5.23-3

alikarkodaye lagne sūrye pāpānvite budhe lagne
gururahite kendre syācchatārddhavarṣaṃ ca tatrāyuḥ

5.24-3

caturasragatāḥ pāpā lagnātkurvanti madhyamāyuṣyam
candrāttathaiva divase saumyairanavekṣitā na saṃyuktāḥ

5.25-3

sutadaśame saumyaḥ syānnidhane ravyānvite vyaye candre
guruśukrāvekagatau jātastatraiva madhyamāyuṣyam

5.26-3

śanyaṃśe lagneśe nidhaneśasamanvite niśānāthe
ṣaṣṭhāṣṭamavyaye vā jātastatraiva cāṣṭapañcāśat

5.27-3

ṣaṣṭhāṣṭamavyayagatairgrahairnṛpālayogākhyaḥ
asmin yoge jātaḥ paramāyuḥ syādaṣṭapañcāśat

5.28-3

lagnādhipānmṛtyuṣaṣṭhavyayasthāḥ pāpāstato naidhanaṃ vīryasaṃsthāḥ
asminyoge yo hi jāto manuṣyastasyāyuḥ syātṣaṣṭivarṣaprasiddham

5.29-3

horājanmādhipatī sārdhagatau mṛtyurāśisaṃsthau
lagnacatuṣṭayahīne devagurau pañcaṣāṣṭivarṣāntam

5.30-2

arkaṃkujamandayukte kendrabalavarjite surācārye
candro dvirātmaje vā saptativarṣāṇi jīvati prāyaḥ

5.31-2

caturādyairgrahayuktairlagnād dvitrisukheṣu vā
cirāyustatra jātasya bhogavānarthavānbhavet

5.32-2

kendratrikoṇalābhāntyakhatristhaiścaturādibhiḥ
ekarāśisthitairjāto jīvati navatiparā

5.33-2

paścādiṣu tairyuktaiḥ ṣaṣṭivarṣaṃ sa jīvati
navamādiṣu taiḥ sarvairalpāyustatra jātakaḥ

5.34-2

krūrabhāṃśasthitaiḥ saumyaiḥ kendrāśritaistathā'śītyabdam
jīvati tatrodbhūto miśrairvā ṣaṣṭivarṣaṃ ca

5.35-2

gurucandrau hibukasthau lagneśe lābhage balāḍhye syāt
saumye daśame yāte tvaśītivarṣaṃ ca paramāyuḥ

5.36-2

jīvāṃśakasthā ravicandrabhaumāḥ kendrāśritā lagnasaṃsthe surejye
lagnaṃ hitvā yatra tatrasthaśeṣaiḥ paścāśīti jīvati tatra jātaḥ

5.37-2

krūrarāśisthitaiḥ krūraiḥ saumyarkṣaiḥ saumyasaṃsthitaiḥ
horeśe svabalāḍhye ca jātasyāyurvarṣaśatam

5.38-2

saumyāṃśakasthaiḥ krūrarupacayagrahairyadā jātaḥ
saumyaiḥ kendragatairvā jātaḥ paramāyurāpnoti

5.39-2

yadi naidhanago bhaumaḥ sārkahorāgate'thavā
prasavakendre vāḍamarapūjye prāṇī jāto'tra varṣaśatam

5.40-2

kendratrikoṇanidhaneṣu ca yasya pāpā
lagnādhipaḥ suraguruśca catuṣṭayasthau
bhuṅkte sukhāni vividhāni sa puṇyakarmā
jīvecca vatsaraśataṃ sa vimuktarogaḥ

5.41-2

carāṃśakasthāḥ kavimandabhaumāḥ sthirāṃśakasthau ravidevapūjyau
śeṣau tu yugmabhavanāṃśakasamprayuktau dīrghāyuratra janane puruṣo nṛpālaḥ

5.42-2

kujāṃśakasthitaśubhāḥ sukhadharmasaṃsthāḥ
pāpāstu yugmabhavanāṃśakalābhasaṃsthāḥ
candro vilagnabhavane yadi pūrṇaraśmirjāto'tra varṣaśatamāyurarogatāṃ ca

5.43-2

lagnādhipo'tibalavānaśubhairadṛṣṭaḥ
kendrasthitaiḥ śubhabalairavalokyamānaḥ
mṛtyuṃ vidhūya vidadhāti sa dīrghamāyuḥ
sārdhaṃ guṇairbalibhirarjitaṃ ca lakṣmyāḥ

5.44-2

lagneśvarādyadi balī nidhaneśvaraśca
kendrasthitairnidhanariṣphagataiśca pāpaiḥ
tasyāyuralpamathavā yadi madhyamāyurutsāhasaṅkaṭavaśācciramāyureti

5.5-4

iti śrībrahmarṣiviracite śukajātake āyuḥpramāṇayogādhyāyaḥ pañcamaḥ

Linked texts (10)