Viramitrodaya 1.p114
Vīramitrodaya 1.p114
- Language
- Sanskrit
1.p114
anāmikāntyarekhāyāḥ kaniṣṭheha yadā'dhikā | dhanavṛddhistadā puṃsāṃ mātṛpakṣo bahutathā || madhyamāprāntarekhāyā adhikā yadi tarjanī | pracurastatpituḥ pakṣaḥ śrīśca vyatyayato'nyathā || aṅguṣṭhasyāṅgulīnāṃ ca yadyūnādhikatā bhavet | dhanairdhānyaistathā hīno naraḥ syādāyuṣā'pi ca || tarjanīmadhyamārandhre madhyamānāmikāntare | anāmikākaniṣṭhāntaśchidre sati yathākramam || janmataḥ prathame tvaṃśe dvitīye'tha tṛtīyake | bhojanāvasare duḥkhaṃ ke'pyāhuḥ śrīmatāmapi || āvarttā dakṣiṇāḥ śastāḥ sāṅguṣṭhāṅguliparvasu | iti | ityaṅgulīlakṣaṇam | atha nakhalakṣaṇam | garuḍapurāṇe, tuṣatulyanakhāḥ klībāḥ kuṭilaiḥ sphuṭitairnarāḥ | niḥsvāśca kunakhaistadvadvivarṇaiḥ paratarkakāḥ || tāmrairbhūpā dhanāḍhyāśca | iti
Commentaries (2)
- Āhnikaprakāśa — Mitramiśra, Sanskrit
- Āhnikaprakāśa — Mitra Miśra alias Mitraparaśurāma Miśra, Sanskrit
Linked texts (2)
- Garuḍapurāṇa — Vyāsa, Sanskrit
- Lakṣaṇaprakāśa (Mitramiśra) — Mitramiśra, Sanskrit