Viramitrodaya 1.p130
Vīramitrodaya 1.p130
- Language
- Sanskrit
1.p130
sakṛtkṣutaṃ bhogavatāṃ dvitri hrādi cirāyuṣām | catuḥ syādbhoganāśāya paramasmānna śobhanam || iti | sāmudratilake'pi, nirhrādi sānunādaṃ sakṛtkṣutaṃ bhogavatāṃ dhanavatāṃ dvi | dīrghāyuṣāṃ prayuktaṃ susaṃhataṃ trirbhavetpuṃsām || skhalitaṃ laghu ca narāṇāṃ kṣutaṃ caturbhavati bhoganāśāya | doṣadamattaḥ paraṃ syānninditamanunādasahitamapi || iti | iti kṣutalakṣaṇam | atha netralakṣaṇam | bhaviṣye, dāḍimīpuṣpasaṅkāśe bhavetāṃ yasya locane | bhūpatiḥ sa ca vijñeyaḥ saptadvīpādhipo guha || vyāghrākṣāḥ kopanā jñeyāḥ kukkuṭākṣāḥ kalipriyāḥ | viḍālanetrā hiṃsrāśca bhavanti puruṣādhamāḥ || mayūranakulākṣāśca narāste madhyamāḥ smṛtāḥ | na śrīstyajati sarvatra puruṣaṃ madhupiṅgalam || āpiṅgalākṣā rājānaḥ sarvabhogasamanvitāḥ | rocanāharitālākṣā gajapiṅgā dhaneśvarāḥ
Commentaries (2)
- Āhnikaprakāśa — Mitramiśra, Sanskrit
- Āhnikaprakāśa — Mitra Miśra alias Mitraparaśurāma Miśra, Sanskrit
Linked texts (4)
- Lakṣaṇaprakāśa (Mitramiśra) — Mitramiśra, Sanskrit
- Sāmudrikaśāstra (Gargamuni) — Gargamuni, Sanskrit
- Avayavalakṣaṇaśāstra — Samudra, Sanskrit
- Aṅgavidyā — Nārada, Sanskrit