Viramitrodaya 1.p182
Vīramitrodaya 1.p182
- Language
- Sanskrit
1.p182
ūrdhvā rekhā'ṅghritale yāvanmadhyāṅguliṃ gatā yasyāḥ | sā labhate patimāḍhyaṃ priyā punarbharvāta tasyāpi || iti | atra cakrādisarvalakṣaṇasadbhāve pūrṇaṃ phalaṃ kalpanīyam | teṣu yasya kasya citsadbhāve tadanusāreṇeti | tathā casāmudratilake, cakrādicihnamadhye syādekaṃ bahūni vā yāsām | aiśvaryaṃ saukhyaṃ vā tāsāmapi tadanumānena || iti | iti pādarekhālakṣaṇam | athāṅguṣṭhalakṣaṇam | skānde kāśikhaṇḍe, unnato māṃsalo'ṅguṣṭho vartulo'tulabhogadaḥ | vakro hrasvaśca vikaṭo duḥkhadaurbhāgyasūcakaḥ || vidhavā vipulāṅguṣṭhā dīrghāṅguṣṭhena durbhagā | iti | sāmudratilake, hrasvaścipiṭo vakraḥ kulakṣayāya dhruvaṃ strīṇām | atrāṅguṣṭha ityanuṣaṅgaḥ | vaidhavyaṃ vipulena dveṣyatvaṃ svalpavartulena syāt | ramaṇāvamānanā punaraṅguṣṭhenātidīrgheṇa || iti | ityaṅguṣṭhalakṣaṇam | athāṅgulīlakṣaṇam | bhaviṣyapurāṇe, aṅgulyaḥ saṃhatā vṛttā ṛjvyaḥ sūkṣmankhāstathā | kurvantyanantamaiśvaryaṃ rājabhogaṃ ca yoṣitām || saṃhatā aviralāḥ | rājabhogaṃ rājabhogopamaṃ bhogam | hrasvāśca jīvitaṃ hrasvaṃ viralā vittahānaye | dāridryaṃ mūlasugnāsu preṣyatvaṃ pṛthulāsu ca || mūlaśubhāḥ prathamaparvavakrāḥ | parasparaṃ samārūḍhaistanubhirdṛḍhaparvabhiḥ | bahūnapi patīn hatvā dāsī bhavati vai dvijāḥ || aṅguṣṭhāgratatparvāṇastvagrāḥ komalāḥ samāḥ | raktāḥ kṣamapradāyāya viparītā vipattaye || iti | skānde kāśīkhaṇḍe, mṛdvayo'ṅgulayaḥ śastā ghanā vṛttāḥ samunnatāḥ | dīrghāṅgulībhiḥ kulaṭā kṛśābhiratinirddhanā
Commentaries (2)
- Āhnikaprakāśa — Mitramiśra, Sanskrit
- Āhnikaprakāśa — Mitra Miśra alias Mitraparaśurāma Miśra, Sanskrit
Linked texts (7)
- Skandamahāpurāṇa (vulgate) — Sanskrit
- Bṛhatparāśarahorāśāstra — Parāśara, Sanskrit
- Kṛtyakalpataru — Lakṣmīdhara Bhaṭṭa, Sanskrit
- Gṛhastharatnākara — Caṇḍeśvara, Sanskrit
- Lakṣaṇaprakāśa (Mitramiśra) — Mitramiśra, Sanskrit
- Sāmudrika (Garga) — Garga, Sanskrit
- Aṅgavidyā — Nārada, Sanskrit