Viramitrodaya 1.p48
Vīramitrodaya 1.p48
- Language
- Sanskrit
1.p48
ugrakarmā durādharṣo balī mālyānulepanaḥ || dakṣathorveṇuvīṇābhiḥ śaṅkhaiḥ paṇavaḍiṇḍimaiḥ || vāditrairhṛṣyate bhoktā bhakṣyamāṃsāsavapriyaḥ | tejasvī nirghṛṇaḥ śūro yakṣasattvo naraḥ smṛtaḥ || nirghṛṇo vikṛtaḥ śūrastejasvī śarvarīpriyaḥ | uddese vasate māṃsabhoktā pānaparāyaṇaḥ || devagobrāhmaṇadveṣī vadhabandhananiścayaḥ | nirghṛṇaśca tathā strīṣu rākṣaso nara ucyate || jalapāṃśuratiḥ śūraḥ krodhanaḥ śaṅkitaḥ śaṭhaḥ | rataśca rathamālyeṣu gatijño bhūṣaṇapriyaḥ || dravyārjanaparaḥ sragvī devatānāṃ ca pūjakaḥ | bhujaṅgasattvo vijñeyo jihmago yuvatipriyaḥ || dānto mahādhanaḥ sragvī devāyatanapūjakaḥ | mālyabhojanagandhānāṃ vidyānāṃ cābhisādhakaḥ || rūpavān subhagaḥ śrīmānnetā vidyādharānvayaḥ | krūro'pi vikṛto rūkṣo nirghṛṇaḥ pāpatparaḥ || malino'pyaśucirbhīto gobrāhmaṇajugupsakaḥ | niṣādasainikastrīṣu nīcapravrajitāsu ca || rajyate vikṛtāhāro naraḥ paiśāca ucyate
Commentaries (2)
- Āhnikaprakāśa — Mitramiśra, Sanskrit
- Āhnikaprakāśa — Mitra Miśra alias Mitraparaśurāma Miśra, Sanskrit
Linked texts (1)
- Lakṣaṇaprakāśa (Mitramiśra) — Mitramiśra, Sanskrit