Viramitrodaya 10.p117
Vīramitrodaya 10.p117
- Language
- Sanskrit
10.p117
bāṇaliṅge na caṇḍāṃśo na ca nirmālyakalpanā | sarvaṃ bāṇārpitaṃ grāhyaṃ bhaktyā bhaktaiśca nānyathā || grāhyāgrāhyavicāro'yaṃ bāṇaliṅge na vidyate | tadarpitaṃ jalaṃ cānnaṃ grāhyaṃ prāsādasaṃjñayā || bāṇaliṅge svayambhūte candrakānte hṛdi sthite | cāndrāyaṇasamaṃ jñeyaṃ śambhornaivedyabhakṣaṇam || iti | nirmālyakalpanā coktā— siddhāntaśekhare, dharāhiraṇyagoratnatāmraraupyāṃśukādikān | vihāya śeṣaṃ nirmālyaṃ caṇḍāṃśāya nivedayet || anyadannādipānīyaṃ tāmbūlaṃ gandhapuṣpakam | dadyāccaṇḍāya nirmālyaṃ śivabhuktaṃ tu sarvaśaḥ || iti | bhaviṣyapurāṇe, jyotirliṅgaṃ vinā liṅgaṃ yaḥ pūjayati sattamaḥ | tasya naivedyanirmālyabhakṣaṇāttaptakṛcchrakam || śālagrāmodbhave liṅge bāṇaliṅge svayambhuvi | rasaliṅge tathārṣe ca surasiddhapratiṣṭhite || hṛdaye candrakānte ca svarṇarūpyādinirmite | śivadīkṣāvatā bhaktenedaṃ bhakṣyamitīryate || iti
Commentaries (2)
- Āhnikaprakāśa — Mitramiśra, Sanskrit
- Āhnikaprakāśa — Mitra Miśra alias Mitraparaśurāma Miśra, Sanskrit
Linked texts (6)
- Śivapurāṇa (complete text) — Sanskrit
- Prāṇatoṣiṇī — Rāmatoṣaṇa Śarman 1796, Sanskrit
- Merutantra — Gommaṭa, Sanskrit
- Merutantra (Śiva) — Śiva, Sanskrit
- Nirṇayasindhu — Kamalākarabhaṭṭa 1612, Sanskrit
- Lakṣaṇaprakāśa (Mitramiśra) — Mitramiśra, Sanskrit