Viramitrodaya 10.p18
Vīramitrodaya 10.p18
- Language
- Sanskrit
10.p18
purāṇasaṅgrahe, śrīdharo'sau tathā devaścinhito vanamālayā | kadambakusumākāra ūrdhvarekhaśca pādayoḥ || iti | iti śrīdharalakṣaṇam | atha śrīdharabhedau | dvau coktau brahmāṇḍapurāṇe, cakre ca madhyadeśe tu paṅkajena samanvitaḥ | sūkṣmānanaḥ śyāmalābhaḥ sa punaḥ śrīdharaḥ smṛtaḥ || nimnonnate śiraḥpārśve nimnamāsyaṃ suvartulam | nimnacakramatihrasvaṃ śrīdharaṃ sarvasiddhidam || iti | iti śrīdharabhedau | atha hṛṣīkeśa lakṣaṇam | pādmabrāhmabrahmāṇḍapurāṇeṣu, ardhacandrākṛtirdevo hṛṣīkeśa udāhṛtaḥ | tamarcya labhate svargaṃ viṣayāṃśca samīhitān || iti | vaikhānasasaṃhitāyām, sūkarasya nibhākārāstasya keśāḥ suvarcasaḥ | varṣmaikaṃ yasya dṛśyeta hṛṣīkeśaḥ sa ucyate || iti | iti hṛṣīkeśa lakṣaṇam | atha padmanābhalakṣaṇam | brahmapurāṇe, āraktaṃ padmanābhākhyaṃ paṅkajacchatrasaṃyuktam | tulasyāṃ pūjayennityaṃ daridrastvīśvaro bhavet || iti
Commentaries (2)
- Āhnikaprakāśa — Mitramiśra, Sanskrit
- Āhnikaprakāśa — Mitra Miśra alias Mitraparaśurāma Miśra, Sanskrit
Linked texts (3)
- Himavatkhaṇḍa — Sanskrit
- Vidyārṇavatantra — Sanskrit
- Lakṣaṇaprakāśa (Mitramiśra) — Mitramiśra, Sanskrit