Viramitrodaya 10.p70.5

10.p70.5

tasmāddhariharakṣetre pūjayecchaṅkarācyutau | sā cecchilāśataiḥ śastā caturvargaphalapradā || sākṣānmaheśvareṇātra saṃyuktaḥ pūjito hariḥ | iti iti śivanābhimāhātmyaṃ lakṣaṇaṃ ca | atha dvāravatīśilāmāhātmyam | skandapurāṇe, dvāravatyāḥ śilā devi mudrayā mama mudritā | tayā tu sahitaṃ tatsyāttīrthaṃ dvādaśayojanam || mlecchadeśe'śucau vāpi cakrāṅko yatra tiṣṭhati | yojanāni tathā trīṇi mama kṣetraṃ vasundhare || tanmadhye mriyate yastu pūjakaḥ susamāhitaḥ | śatabādhāṃ ca prāptastu na punaḥ so'pi jāyate || cakrāṅkitasya sānnidhye yatkarma kriyate naraiḥ | snānaṃ dānaṃ tapo homaḥ sarvaṃ bhavati cākṣayam || saṃvatsaraṃ tu yatpāpaṃ manasā karmaṇā kṛtam | tatsrarvaṃ naśyate puṃsāṃ sakṛccakrāṅkadarśanāt || jvaradāho viṣaṃ caiva agnicaurabhayaṃ tathā | sarve te praśamaṃ yānti sakṛccakrāṅkapūjanāt || bhūtapretapiśācāśca ḍākinyaśca vasundhare | sarve te pralayaṃ yānti yatra cakrāṅkitaṃ nyaset || bhaktyā vā yadi vā'bhaktyā cakrāṅkaṃ pūjayennaraḥ | api cetsa durācāro mucyate nātra saṃśayaḥ || saṃvatsaraṃ tu yaḥ kuryātpūjāṃ sparśanadarśane | vinā sāṅkhyena yogena mucyate nātra saṃśayaḥ || iti | tathā, dvāravatīmadhikṛtya— yatkiñcittatra pāṣāṇaṃ kṛṣṇacakreṇa mudritam | tasya darśanamātreṇa mucyate sarvapātakaiḥ || hṛdi sthite tu cakrāṅke dūtā vaivasvatasya tu | nopasarpanti te bhītā dṛṣṭvā viṣṇuparigraham ||iti | tathā, vidhihīnāpi yā kācit kriyā mantravivarjitā | cakrāṅkapūjanātsamyak labhecchāstroditaṃ phalam || cakrāṅkitaśilābhraṣṭaṃ nirmālyaṃ toyameva ca |