Viramitrodaya 10.p71

10.p71

karburā śabalā | dhūmrābhā putranāśāya bhagnā bhāryāviyogadā | śvetā snigdhā śilā pūjyā sarvakāmārthadāyikā || acchidracakrā sā pūjyā duḥkhadāridyranāśinī | chidrā dāridryadā caiva bhavetpārthiva sā śilā || putrapautragṛhādīni svargamokṣasukhāni ca | dadāti śuklavarṇābhā yatnena tu samarcayet || vartulā caturasrā ca pūjitā siddhidāyikā | sukhadā samacakrā ca viṣamā duḥkhadā bhavet || viṣamā viṣamacakrikā | chidrā bhagnā trikoṇā ca tathā viṣamacakrikā | arddhacandrākṛtiryā ca pūjyāstā na bhavanti hi || phalamutpadyate tāsāṃ pūjayā na kadācana | ityabhidhānāt | trikoṇā viṣamā raktāśchidrā bhagnā vivarjayet | arddhacandrākṛtiryā tu pūjitā hānikārikā || iti prayogapārijāte tu viśeṣaḥ smaryate | bhinnaścaivārthanāśāya sthūlo buddhivināśakaḥ | dīrghaścāyurharo jñeyo rūkṣa ṛddhivināśakṛt || śuklavarṇaṃ śubhaṃ jñeyaṃ vṛttacakraṃ tathaiva ca | iti | atraiva cakrairmūrtibhedaḥ agnipurāṇe uktaḥsudarśanastvekacakro lakṣmīnārāyaṇo dvayāt | tricakraścācyuto devastricakro vā trivikramaḥ | janārdanaścatuścakro vāsudevaśca pañcabhiḥ | ṣaṭcakraścaiva pradyumnaḥ saṅkarṣaṇaśca saptabhiḥ || saṅkarṣaṇaḥ baladevaḥ | puruṣottamo'ṣṭacakro navavyūho navātmakaḥ | daśāvatāro daśabhirdaśaikenāniruddhakaḥ || dvādaśātmā dvādaśabhirata ūrdhvamanantakaḥ | iti | garuḍapurāṇe,