Viramitrodaya 11.p1
Vīramitrodaya 11.p1
- Language
- Sanskrit
11.p1
iha pūrvaṃ śālagrāmaśivaliṅgādimūrttipūjā karttavyetyuktam | tatra vaikhānasādyāgamoktadīkṣāvadbhirvaiṣṇavaiḥ śālagrāmādiviṣṇumūrttipūjā karttavyā, śivāgamoktadīkṣāvadbhiḥ śivabhaktaistu liṅgādipūjā karttavyeti vivekaḥ | tatra tatra dīkṣādau gurorāvaśyakatvātkīdṛglakṣaṇo guruḥ karttavya iti tallakṣaṇamucyate | rāmārcanacandrikāyām, śānto dāntaḥ kulīnaśca vinītaḥ śuddhaveṣavān | śuddhācāraḥ suprasiddhaḥ śucirdakṣaḥ subuddhimān || āśramī dhyānaniṣṭhaśca mantratantravicakṣaṇaḥ | nigrahānugrahe śakto gururityabhidhīyate || iti | mantramuktāvalyām, abhradātānraye śuddhaḥ svocitācāratatparaḥ | āśramī vedavitkrodharahitaḥ sarvaśāstravit || śraddhāvānanasūyaśca priyavāk priyadarśanaḥ | śuciḥ suveśastaruṇaḥ sarvabhūtasamānadhīḥ
Commentaries (2)
- Āhnikaprakāśa — Mitramiśra, Sanskrit
- Āhnikaprakāśa — Mitra Miśra alias Mitraparaśurāma Miśra, Sanskrit
Linked texts (1)
- Lakṣaṇaprakāśa (Mitramiśra) — Mitramiśra, Sanskrit