Viramitrodaya 11.p46

11.p46

athāñjanakṣodapātraśalākālakṣaṇam | vaikhānasagranthe, sauvarṇamañjanakṣodabhājanaṃ puṃmṛgākṛti | siṃhākāraṃ bhavedyadvā haṃsākāramathāpi vā || śirobilaṃ śalākā ca dvādaśāṅgulamāyatā | aṣṭāṅgulā vā sauvarṇī bhavedubhayatomukhī || iti | ityañjanakṣodapātraśalākālakṣaṇam | atha darpaṇalakṣaṇam | vaikhānasagranthe, darpaṇaṃ pratimāmānaṃ tadardhaṃ vā suśobhanam | vṛttaṃ kāṃsyaṃ mahāratnakhacitaṃ vā yathābalam || pādayuktaṃ sanālaṃ vā mukhamānamathāpi vā | iti | siddhāntaśekhare, darpaṇaṃ śuddhakāṃsyena pūrṇacandrasamākṛti | ṣaṭtriṃśatāṅgu lairnāhaṃ vidadhyādvā tadardhataḥ || nālamuṣṭāṅgulaṃ tasya padaṃ syāccaturaṅgulam | nānāpaṭṭikayā yuktaṃ proktaṃ darpaṇalakṣaṇam || iti | iti darpaṇalakṣaṇam | atha vyajanalakṣaṇam | siddhāntaśekhare, ṣaṭtriṃśatā triṃśatā vā dairghyaṃ tryaṅgulanāhakaḥ | daṇḍo daṇḍāgrabhāgaṃ tu dvidhā kṛtvātra yojayet || ṣoḍaśāṅgulakaṃ vṛntaṃ picchanālasamūhakam | sudṛḍhaṃ tantusambaddhaṃ vṛntāgre picchabhūṣitam || māyūraṃ vyajanaṃ proktaṃ vakṣye paṭṭādisambhavam | sampādya pūrvavaddaṇḍaṃ vṛntaṃ veṇuvivarjitam || aṣṭādaśāṅgulaṃ vāpi ṣoḍaśāṅgulasammitam