Viramitrodaya 6.p17
Vīramitrodaya 6.p17
- Language
- Sanskrit
6.p17
sa eva, śirasi spṛṣṭe prathame'ṅgule dvitīye lalāṭasaṃsparśe | bhrūmadhye ca tṛtīye netre spṛṣṭe caturthe ca || nāsoṣṭhakapolahanuśravaṇagrīvāṃsakeṣu pañcādyāḥ | urasi dvādaśasaṃsthāstrayodaśe kakṣayorjñeyaḥ || stanahṛdayodarakukṣīnābhīṣu caturdaśādayo jñeyāḥ | nābhīmūle kaṭyāṃ guhye caikonaviṃśatitaḥ || ūrvordvāviṃśe syādūrvormadhye vraṇastrayoviṃśe | jānuni ca caturviṃśe jaṅghāyāṃ pañcaviṃśe ca || jaṅghāmadhye gulphe pāṣṇau pāde tathāṅgulīṣvapi ca | ṣaḍtriṃśādiṣu yāvattriṃśaditi matena gargasya || putramaraṇaṃ dhanāptirdhanahāniḥ sampadaśca bandhaśca | ekādyaṅgulasaṃsthairvraṇaiḥ phalaṃ nirdiśetkramaśaḥ || sutalābhaḥ kalaho vā gajalābhaḥ putramaraṇadhanalābhau | kramaśo vināśavanitā''pticittaduḥkhāni ṣaṭprabhṛti || labdhirhānistrīlabdhayo vadho vṛddhimaraṇaparitoṣāḥ | jñeyāścaturdaśādiṣu, dhanahāniścaikāviṃśe vā || vittāptirnirvāṇaṃ dhanāgamo mṛtyusampado'svatvam | aiśvaryamṛtyurarājyāni ca kramāttriṃśaditiyāvat
Commentaries (2)
- Āhnikaprakāśa — Mitramiśra, Sanskrit
- Āhnikaprakāśa — Mitra Miśra alias Mitraparaśurāma Miśra, Sanskrit
Linked texts (4)
- Adbhutasāgara — Ballālasena & Lakṣmaṇasena, Sanskrit
- Edition of Rāmacandra Jhā (1986) — Sanskrit
- Varāhamihirasaṃhitā — Varāhamihira, Sanskrit
- Lakṣaṇaprakāśa (Mitramiśra) — Mitramiśra, Sanskrit