Viramitrodaya 7.p45
Vīramitrodaya 7.p45
- Language
- Sanskrit
7.p45
sūkṣmatā dīrghatā caiva samatā ca sugandhitā | saukumāryaṃ mṛdutvaṃ ca niḥśvāsasya tu ṣaḍguṇāḥ || sthūlatā hrasvatā caiva durgandhatvaṃ tathoṣṇatā | pāruṣyaṃ viṣamatvaṃ ca doṣāścāpi bhavanti ṣaṭ || iti | iti niḥśvāsalakṣaṇam | athā''lokitalakṣaṇam | bārhaspatyasaṃhitāyām, ataḥ paraṃ pravakṣyāmi gajālokitalakṣaṇam | snigdhaṃ sthiraṃ ca saumyaṃ ca vārijotphullatārakam || salakṣaṃ pratināgaṃ tu prekṣitaṃ kariṇāṃ śubham | udvignaṃ cañcalaṃ dīnamavikāsitatārakam || ūrdhvādhaḥpārśvadṛṣṭiṃ ca nirlakṣaṃ ninditaṃ bhavet | iti | ityālokitalakṣaṇam | atha gatilakṣaṇam | bārhaspatyasaṃhitāyām, ataḥ paraṃ pravakṣyāmi mātaṅgagatilakṣaṇam | samā ca laghupādā ca vege'pyatiśubhā matā || dīrghakramā sukhotkṣiptā gātrasañcārahāriṇī | śubhalakṣaṇasaṃyuktā puruṣasya gajasya ca || mātaṅgavṛṣasiṃhānāṃ gatitulyā śubhā, gatiḥ
Commentaries (2)
- Āhnikaprakāśa — Mitramiśra, Sanskrit
- Āhnikaprakāśa — Mitra Miśra alias Mitraparaśurāma Miśra, Sanskrit
Linked texts (1)
- Lakṣaṇaprakāśa (Mitramiśra) — Mitramiśra, Sanskrit