Viramitrodaya 9.p20
Vīramitrodaya 9.p20
- Language
- Sanskrit
9.p20
aśvavārāḥ samākhyātāḥ śeṣāstu bharadāyakāḥ | grīṣmādiṣu na kartavyamṛtuṣu triṣu vāhanam || hemantādiṣu kartavyaṃ sādibhiḥ śāstravedibhiḥ | pratipatsu trayodaśyāṃ pañcamyāṃ vā site dale || dhṛtisiddhyādiyogeṣu vāsare candrasūryayoḥ | mūlarohiṇihasteṣu puṣye caivottarāsu ca || evaṃvidhe dine sādī vāhanaṃ vāhayecchubhe | raṅgabhūmau ca revantaṃ sthāpayet pūjayettataḥ || puṣpairdhūpaiḥ pradīpaiśca candanaiḥ pāyasaistathā | pakvānnādyairbhakṣyabhojyaiḥ prātaḥ śucisuvastrakaḥ || raktāmbaradharo bhūtvā raktapuṣpadharastathā | oṃ namo revantāya aśvahṛdayāya hrīṃ klīṃ oṃ namo'śvetāya saumyarūpāya imamaśvaṃ vardhaya vardhaya vaśyaṃ kuru mahāvīryāya revantāya namaḥ | etanmantraṃ japetprājño hayasya dakṣiṇe śrutau | ekaviṃśativārāṃśca tataḥ paryāṇayeddhayam || krośamekaṃ tamāruhya īśānīṃ tu śanairnayet
Commentaries (2)
- Āhnikaprakāśa — Mitramiśra, Sanskrit
- Āhnikaprakāśa — Mitra Miśra alias Mitraparaśurāma Miśra, Sanskrit
Linked texts (2)
- Aśvavaidyaka — Jayadatta Sūri, Sanskrit
- Aśvacikitsita (Aśvaśāstra) of Nakula — Nakula, Sanskrit