Viramitrodaya 9.p44

Vīramitrodaya 9.p44

Language: Sanskrit

9.p44

atha puṣpalakṣaṇam | śālihotre, suśrutaḥ śrutasampannaṃ śālihotramapṛcchata | bahuvarṇāni puṣpāṇi paśyāmyācārya vājiṣu || teṣāṃ dhanyamadhanyaṃ ca puṣpamicchāmi veditum | kiñcācārya śarīrasthaṃ puṣpamityabhidhīyate || evaṃ pṛṣṭo mahācāryaḥ śālihotro'bhyabhāṣata | vivarṇā bindavo nūnaṃ ye bhavanti śarīrajāḥ || avyaktarūpāḥ sūkṣmāśca te'śvānāṃ puṣpasaṃjñitāḥ | varṇe savarṇaṃ puṣpaṃ tu puṣpatvādupalakṣayet || snehādraukṣātprasādācca romasaṃhananeṣu ca | snigdheṣvetāni puṣpāṇi khureṣvapi tathaiva ca

Previous: 9.p43
Next: 9.p45
Up: 9

Commentaries (2)

Āhnikaprakāśa — Mitramiśra, Sanskrit
Āhnikaprakāśa — Mitra Miśra alias Mitraparaśurāma Miśra, Sanskrit

Linked texts (1)

Lakṣaṇaprakāśa (Mitramiśra) — Mitramiśra, Sanskrit