Viramitrodaya 9.p77

9.p77

varṣakoṭisahasrāṇi kṛṣṇārādhanavarjitāḥ | sakṛdapyarcite bimbe sālagrāmasamudbhave || muktiṃ prayānti manujā nūnaṃ sāṅgethena varjitāḥ | malliṅgaiḥ koṭibhirdṛṣṭairyatphalaṃ pūjitaiḥ stutaiḥ || sālagrāmaśilāyāṃ tu ekenāpīha tadbhavet | tasmādbhaktyā ca madbhaktaiḥ prītyarthe mama putraka || karttavyaṃ satataṃ bhaktyā sālagrāmaśilārcanam | sālagrāmaśilārūpī yatra tiṣṭhati keśavaḥ || tatra devāsurā yakṣā bhuvanāni caturdaśa | sālagrāmaśilāgre tu sakṛt piṇḍena tarpitāḥ || vasanti pitarastasya na saṅkhyā tatra vidyate | prāyaścitte samutpanne kiṃ dānaiḥ kimupoṣaṇaiḥ || cāndrāyaṇaiśca tīrthaiśca pītvā pādodakaṃ śuciḥ | pramāṇamasti sarvasya sukṛtasya hi putraka || phalaṃ pramāṇahīnaṃ tu sālagrāmaśilārcane | yo dadāti śilāṃ viṣṇoḥ sālagrāmasamudbhavām || viprāya vipramukhyāya teneṣṭaṃ bahubhirmakhaiḥ | mānuṣye durlabhā loke sālagrāmaśilodbhavā || prāpyate na vinā puṇyaiḥ kalikole viśeṣataḥ | sa dhanyaḥ puruṣo loke saphalaṃ tasya jīvitam || sālagrāmaśilā śuddhā gṛhe yasya ca pūjitā | sanniyamyendriyagrāmaṃ sālagrāmaśilārcanam || yaḥ kuryānmānavo bhaktyā sa yāti paramaṃ padam | bhaktyā vā yadi vā'bhaktyā yaḥ karoti sa puṇyabhāk