Kalasara 12.p1

Kālasāra 12.p1

Language: Sanskrit

12.p1

atha pārvvaṇaśrāddhakālaḥ | tatra yathākālaprāptaśrāddhaviṣaye “aparāhnaḥ pitṝṇām” iti hārītoktiḥ, “yastvamastaṃ raviyāti” iti bṛhanmanūktiḥ “udite daivataṃ bhānaviti” bodhāyanoktayaḥ sādhāraṇena pūrvvamuktāḥ “aparāhnaḥ pitṝṇāṃ” iti śrutiśca(2) | vṛddhagautamaḥ,– madhyāhnavyāpinī yā syāttyekoddiṣṭe tithirbhavet| iti, aparāhnavyāpinī yā pārvvaṇe sā tithirbhavet || iti | tathā cāparāhva eva pārvvaṇaśrāddhakālaḥ | aparāhnastu pañcadaśadhāvibhaktasya divasasya daśamaikādaśadvādaśātmakaḥ caturtho bhāgaḥ | nanu manunā tu, – tathā śrāddhasya pūrvvāhnādaparāhno viśiṣyate | iti divasāparāddhamevāparāhnatvenoktam dūti cet, ucyate

Previous: 11.p73
Next: 12.p2
Up: 12

Linked texts (2)

Gadādharapaddhati — Gadādhara Rājaguru 1725, Sanskrit
Kālasāra — Gadādhara (Pāraskara commentator), Sanskrit