Kalasara 12.p3

12.p3

dyāhavyāpinītyādi manukteśca | dinadaye'pīti saṃgrahaślau sphuṭatvācca | yadā dinadvaye'pyaparāhne vyāptabhāvastadā pūrvedyureva | tatra manuḥ,– "yasyāmastaṃ raviyātītyādinā” | śivarahasyasaurapurāṇayorapi,– prāyaḥ prātarupodhyā hi tithirdaivaphalepsubhiḥ | mūlaṃ hi pitṛtṛptyarthaṃ paitraṃ(1)hyuktaṃ maharṣibhiḥ || mūlaṃ tithimūlam | "paitraṃ mūlaṃ titheḥ proktaṃ śāstrajñaiḥ kālakovidaiḥ” | iti nāradīyokteḥ | vyāsaḥ,– aṅgyastamanavelāyāṃ kalāmātrāṃ'pi yā tithiḥ | saiva pratyābdike śrāddhe netarā puṇyahānidā || nāradīye,– pāraṇe maraṇe nṛṇāṃ tithistātkālikī smṛtā | pitrye'stamanavelāyāṃ spṛṣṭā pūrṇā nigadyate || iti sākalyamapi pratipāditam | gobhilaḥ,– sāyāhnavyāpinī yā tu pārvaṇe sā udāhṛtā | śivarahasyabrahmavaivarttanāradīyasaurapurāṇeṣu,– darśaśca pūrṇamāsañca(2) pituḥ sāmbatsaraṃ dinam | pūrvaviddhamakurvāṇo narakaṃ pratipadyate || nanu aparāhnavyāptyabhāve paredyuḥ kutapakāle sattvāttaddina evāstu iti cenna, pūrvedyustithimūlatvātsamayavyāptirūpaguṇadvayasadbhāvāt, kutapasyārambhakālatvenopādānāt vyavasthāpakalābhāvācca | yadā dinadaye vaiṣamyeṇaikadeśavyāptistadā yaddine mahatī vyāptistaddina eva śrāddham