Kalasara 13.p19

13.p19

na dadyāgranthinekena viṣamadṛṣṭakarmaṇi || kṛmidaṣṭacikitsārthaṃ na vai śeṣeṣu vidyate | mātṛpūjāyāmapi(1) gaṇakarmaṇyapavādastatraiva,gaṇaśaḥ kriyamāṇe tu mātṛṇāṃ pūjanaṃ sakṛt | sakkadeva bhavecchrāddhamādau na pṛthagādiṣu || yatra yatra bhavecchrāddhaṃ tatra tatra ca mātaraḥ | brāhme,- karmmaṇyābhyudayike māṅgalyavati śobhane || janmanyathaupanayane vivāhe putrakasya vā | pitṛnnāndīmukhāṃnnāma tarpayedvidhipūrvakam || viṣṇupurāṇe,kanyāputravivāheṣu praveśe navaveśmanaḥ | nāmakarmāṇi bālānāṃ cūr̤ākarmādikaṃ tathā || sīmantonnayane caiva putrādisukhadarśane | nāndīmukhaṃ pitṛgaṇaṃ pūjayet prayato gṛhī || cūr̤ādikaṃ ityādiśabdasya saṃskāramātropalakṣaṇatvādahirniṣkramaṇānnaprāśanādiṣvapi vṛddhiśrāddhaṃ | tathā,yajñodvāhapratiṣṭhāsu mekhalāvandhamokṣayoḥ | putrajanmavṛṣotsarge vṛddhiśrāddhaṃ samācaret || ityatra yajñaśabdopādānāt mahādānādāvapi vṛddhiśrāddhaṃ kāryyaṃ