Kalasara 13.p20

13.p20

evañca,— nāniṣvā tu pitṛn śrāddhe karma vaidikamācaret | iti śātātapoktau vaidikakarmapadena sāmānyavidhiḥ spaṣṭaḥ, saṃstriyeta viśeṣata iti nyāyāt, | puroḍāśaṃ caturddhā karoti, āgneyaṃ caturddhā karoti, iti upasaṃhāravacchandogapariśiṣṭādigaṇitavaidikakarmaparaṃ bodhyam | nanu chandogapariśiṣṭādau “tathāto gobhiloktānā” mityabhidhānāt, gobhiloktagṛhyamātre vṛddhiśrāddhaṃ vidhīyate | iti śrāddhādiṣvapi tadukteḥ | prasaṅgānnaṣedho na gṛhyāntarakarmaṇīti cenna, śākhāntarādhikaraṇanyāyena gṛhyāntarakarmaṇyapi śrāddhavidhiniṣedhapravṛtteḥ | kevalaṃ tu,— yannāmnātaṃ svaśākhāyāṃ pārakyamavirodhi yat | vidvadbhistadanuṣṭheyamagnihotrādikarmavat || iti tadukteḥ | ṣaḍbhyaḥ pitṛbhyaḥ ityādīnāṃ gṛhyāntarakarmaṇi na pravṛttiḥ | tadupariṣṭāt sphuṭaṃ bhaviṣyati | evaṃ yathāśrutārthāvasthitau yāni karmāṇi vidhivaśenādyaivaśena vā ekasmin dine kriyante | ādhānaṃ homaśca, yadvotlaṅghya kriyamāṇaṃ jātakarmādi, tatra pratikarmamātṛpūjādināndīmukhaśrāddhāntakarmaṇāmārabhyācāraḥ(1) saṃgacchata eva | ata evollaṅghyaikadinakriyamāṇeṣu karmasu tatra nyāyena sakṛtkaraṇamiti yatprācīnairapi kaiścillikhitaṃ tat kairapi nādriyate | tatra kartṛnirūpaṇam,—