Kalasara 17.p39

17.p39

atha bhīṣmāṣṭamīśrāddham | māghamāsaṃ prakṛtya dhavalasaṅgrahe,aṣṭamyāṃ ca site pakṣe bhīṣmāya ca tilodakam | annaṃ ca vidhivaddadyuḥ sarve varṇā dvijātayaḥ || atra phalāśravaṇātnityatvam | māghe māsi sitāṣṭamyāṃ. salilaṃ bhīṣmavarmaṇe | śrāddhaṃ ca ye sadā kuryuste syuḥ santatibhāginaḥ || dūti purāṇāntarokteḥ kāmyatvamapi | bhaviṣyottare,śuklāṣṭamyāṃ tu māghasya dadyāt bhīṣmāya bhojanam | saṃvatsarakṛtaṃ pāpaṃ tatkṣaṇādeva naśyati || dvijātaya dūti sambodhanam | sarve varṇā dūti uktatvāt jyeṣṭhavarṇasyāpi brāhmaṇasyāvaśyakatvaṃ śūdrasyāpyadhikāro mahālayādiṣviva nityakāmyatvāt | brāhmaṇo hyanyavarṇasya yaḥ karotyaurdhvadaihikam | tadvarṇatvamasau yāti ihaloke paratra ca || dūti marīcivacanam | savarṇebhyo jalaṃ deyaṃ nāsavarṇe kathaṃcana | dūti vacanaṃ ca na bhīṣmaśrāddhatarpaṇayorvādhakam || brāhmaṇādyāstu ye varṇā dadyurbhīṣmāya nodakam(1)