Kalasara 17.p40

17.p40

saṃvatsarakṛtaṃ puṇyaṃ teṣāṃ naśyati sattama || iti smṛteḥ| bhīṣmasya vasutvācca | vasūn rudrān tathādityān namaskārasvadhānvitān | ete sarvasya pitara eṣvāyattā hi mānuṣāḥ || iti vasūnāṃ pitṛtvasmṛteḥ | tatra tarpaṇamantraḥ, vaiyāghrapadyagotrāya(1) sāṃkṛtipravarāya ca | aputrāya dadāmyetat salilaṃ bhīṣmavarmaṇe || ārghāsāvacanaṃ tu, bhīṣmaḥ śāntanavo vīraḥ satyavādī jitendriyaḥ | ābhiradbhiravāpnotu(2) putrapautrocitāṃ kriyām || etacca āgantukātvāt sarvavarṇānāṃ pitṛtarpaṇānte kāryyam | atra gaur̤aistithitattvakārairyaduktaṃ brāhmaṇasya varṇajyaiṣṭhyāt ante kāryyaṃ anyeṣāṃ ādāviti, tadyuktiviruddham | bhīṣmavarmaṇo vasutvena brāhmaṇasyāpi pitṛtvāt | ataeva haribhaktivilāse vaiṣṇavakārikā,— māghasya cāṣṭamīṃ śuklāmārabhya dinapañcakam | tarpayedathavāṣṭamyāṃ bhīṣmaṃ bhāgavatottamam || nityatarpaṇataḥ paścāt salilānta udaṅmukhaḥ | nivītitarpaṇaṃ kuryyāt gāṅgeyasya mahātmanaḥ| iti | asya śrāddhasya ekoddiṣṭakālarūpatvāt ekoddiṣṭakālena vyavasthā, vaiśva-