Kalasara 18.p116
Kālasāra 18.p116
- Language
- Sanskrit
18.p116
śreṣṭhaṃ cchatraṃ ca yo dadyāt puṣpamālāvibhūṣitam | prāsādo hyuttamo bhūtvā gacchantamanugacchati || śaraṇaṃ ratnasampūrṇaṃ suśayyāsanabhojanam | 'śrāddhe datvā yatibhyastu nākapṛṣṭhe mahīyate || muktāvaidūryyavāsāṃsi ratnāni vividhāni ca | vāhanāni ca mukhyāni ayutānyarbudāni ca || vimānaṃ puṣyakaprakhyaṃ sarvvakāmasamanvitam | candrasūryyaprabhaṃ divyaṃ vimalaṃ labhate'kṣayam || apsarobhiḥ parivṛtaṃ kāmagantu manojavam | sagandharvairvimānāgryaiḥ stūyamānaḥ samantataḥ || divyaiḥ puṣpaiḥ prasiñcanti jalavṛṣṭibhireva ca | gandharvāpsarasaścaiva gāyantyo vādayanti ca || kanyāyuvatimadhyasthā hasitābharaṇasvanaiḥ | sukharaiste vibodhyante satataṃ hi manoramaiḥ || aśvadānasahasreṇa rathadānaśatena ca | dantināṃ ca sahasreṇa yatphalaṃ labhate naraḥ || dadyātpavitraṃ yogibhyo jantu(1)vāraṇamambhasaḥ | svarṇaniṣkasahasrasya phalaṃ prāpnoti mānavaḥ || jīvitasya pradānāddhi nānyaṃ(2) dānaṃ viśiṣyate | tasmāt sarvvaprayatnena' deyaṃ dānābhirakṣaṇam
Linked texts (6)
- Skandamahāpurāṇa (vulgate) — Sanskrit
- Brahmāṇḍapurāṇa — Vyāsa, Sanskrit
- Vāyupurāṇa — Vyāsa, Sanskrit
- Gadādharapaddhati — Gadādhara Rājaguru 1725, Sanskrit
- Kālasāra — Gadādhara (Pāraskara commentator), Sanskrit
- Śrāddhadīpa — Divyasiṃha Mahāpātra 1640, Sanskrit