Kalasara 18.p117
Kālasāra 18.p117
- Language
- Sanskrit
18.p117
ahiṃsā sarvvadaivatyaṃ pavitraṃ somapāyinām | dānaṃ hi jīvitasyāṅgadānānāṃ paramaṃ budhāḥ || lavaṇena supūrṇāni śrāddhe pātrāṇi dāpayet | rasāstamupatiṣṭhanti bhakṣyaṃ saubhāgyameva ca || tilānnicuṃstathā bhojyaṃ śrāddhe satkṛtya dāpayet | mitrāṇi labhate loke strīṣu saubhāgyameva ca || pātraṃ ca taijasaṃ dadyānmanojñaṃ śrāddhabhojane | pātraṃ bhavati kāmānāṃ vidyānāṃ ca dhanasya ca || rajataṃ kāñcanaṃ caiva dadyācchāddheṣu yaḥ pumān | datvā sa labhate dānāt prākāmyaṃ dhanameva ca || dhenuṃ śrāddheṣu yo dadyātgṛhniṃ kumbhopadohanām | gāvastamupatiṣṭhanti gavāṃ puṣṭiścataiva ca || dadyāt yaḥ śiśireṣvagniṃ bahukāṣṭhaṃ prayatnataḥ | kāmāgnidīptaṃ prākāmyaṃ saubhāgyaṃ rūpameva ca || indhanāni ca yo dadyāt dvijebhyaḥ śiśirāgame | nityaṃ jayati saṃgrāme śriyā yuktaśca dīpyate || surabhīṇi(1) tu snānāni gandhavanti tathaiva ca | pūrayitvā tu pātrāṇi śrāddhe satkṛtya dāpayet || gandhavāhā mahāṃgaṃdhaḥ sukhāni vividhāni ca | dātāramupatiṣṭhanti yuvatayaśca pativratāḥ
Linked texts (6)
- Brahmāṇḍapurāṇa — Vyāsa, Sanskrit
- Vāyupurāṇa — Vyāsa, Sanskrit
- Smṛtīnāṃ Samuccayaḥ — Sanskrit
- Gadādharapaddhati — Gadādhara Rājaguru 1725, Sanskrit
- Kālasāra — Gadādhara (Pāraskara commentator), Sanskrit
- Śrāddhadīpa — Divyasiṃha Mahāpātra 1640, Sanskrit