Kalasara 18.p202

18.p202

iti yājñavalkyenāpyuktaṃ | tatra śrāddhaśeṣasya kākādispṛṣṭe śeṣabhakṣaṇaṃ kāryaṃ na veti cet ? ucyate | “puroḍāśakapālairyakapālena tuṣānupivati” itivat paraprayuktadravyopajīviśvena aprayojakatvāt dvitīyānirdeśena pratipattitvācca kākādispṛṣṭaśeṣasya bhakṣaṇalopa eva | tadguṇyasamādhānārthaṃ viṣṇusmaraṇameva kāryyam | nanu amāvāsyādiparvvasu māṃsabhojanasya niṣiddhatvāt sarvvaśeṣabhakṣaṇasya pratipattitvenāvaśyakatvāt kartrā bhakṣyaṃ vā na veti ? sandehapratipattikarmāpekṣayā “arthakarmaṇobalavattvamiti” valāvalādhikaraṇe nirṇayāt | śrāddhaśeṣamāṃsabhakṣaṇasya pratipattikarmmatrena durbalatvāt sarvvamāṃsabhakṣaṇaniṣedhasya arthakarmmatvena balavattvamiti śeṣamāṃsabhakṣaṇaṃ na kāryaṃ, iti prāpte brūmaḥ, - parvvaniṣedhasya puruṣārthatvāt śeṣabhakṣaṇavidhestu kratvarthatvāt puruṣārthakratvarthayoḥ kratvarthasya balavattvāt śrāddhaśeṣamāṃsaṃ sāmrikai rnaragnikaiśca bhakṣaṇīyameva | “mā hiṃsyāt sarvvāṇi bhūtāni” ityādipratiṣedhasya “agniṣomīyaṃ paśumālabheta” ityādinā vihitetaraviṣayatvena nirṇayavat . “(1) kevalapiṇḍadācā māṃsaṃ na bhakṣaṇīyaṃ” māṃsadānābhāvāt, iti sampradāyavidaḥ