Kalasara 18.p203

18.p203

nanu tarhi mahālayapañcamaśrāddhādau sarvaśrāddhapūrvadineṣu "nirāmiṣaṃsakṛdbhuktā” ityuktasya nirāmiṣabhojanasya śrāddhāṅgaśeṣamāṃsabhakṣaṇasya ca kathaṃ vyavastheti cet ? ucyate | upayuktasya saṃskārādupayokṣyatsaṃskiyā | garīyasī praśāntistu(1) tena dṛṣṭaṃ prayojanam || iti maitrāvaruṇadaṇḍādhikaraṇanyāyena nirāmiṣabhojanameva kāryyaṃ, vihitanirāmiṣabho̍janāt karttṛsaṃskārāt(2) vā upayokṣyamāṇasaṃskārāt śrāddhaśeṣabhakṣaṇasya upayuktasaṃskāratvena durbalatvāt | kṛtanityamāṃsavarjjanasaṅkalpena kartrā śeṣamāṃsaṃ bhakṣyaṃ na veti cet ? ucyate | śrāddhe māṃsadānaṃ kāmyameveti kṛtamāṃsavarjjanasaṅkalpena māṃsaṃ na deyam | yadi bhrāntyādinā śrāddhe māṃsaṃ dattaṃ syāt tadā (3) “puruṣārthasamāsakteḥ kāmyaṃ nityasya bādhakaṃ” iti nyāyena kratvarthamabādhena godohapraveśavat saṅkalpasya balavattvācca māṃsaṃ varjyam | kiñca śrāddhaśeṣamāṃsaṃ bhakṣayet ityadṛṣṭārthavidhirapi nāsti | nanu “sarvataḥ samupādāya” iti sarvapadasya kā gatiriti cet ? ucyate | sarvapadasya sarvanāmatvena viśeṣarūpeṇa upasthāpakatve'pi māṃsasya kāmyatvena niyatabuddhyārūḍhatvābhāvāt māṃsātiriktahaviḥprāśane pratipattisambhavāt | "jñātiprāyaṃ prakalpayet” iti manūktyā māṃsasya jñātibhojanādau