Kalasara 18.p205

18.p205

viśeṣye buddhiriti nyāyena viśeṣaṇasya pūrvapāṭhasiddheḥ gotrasyādau prayoga eveti, samācārastvevameva bahūnāṃ | kintu, sambodha nāmagotrābhyāṃ pretakṛtyaṃ daśā‍hikam| śeṣaṃ samāpayet sarvvaṃ gotrasambandhapūrvvakam || iti smṛteḥ, pretakṛtye paścāt gotraprayogaḥ | sarveṣāṃ daśā‍hikamiti sapiṇḍīkaraṇāntakriyopalakṣaṇam | atra “santatirgotrajananakulāni” iti paryāyapāṭhāt sā ca viśeṣarahiteti viśeṣalābhāya tadādibhūtapuruṣeṇa kuṃśikādinā. ṛṣiṇāvacchinno gotraśabdārthaḥ |. yadyapyanādisaṃskāre sṛṣṭyādyabhāvapace anādipuruṣasambhavaḥ | tathāpi kauśikasya ye pitrādayaḥ pūrve, ye ca tatputrādayo'rvvāñcaḥ te sarve kauśikeena gotrāntarebhyo vyāvṛttāḥ kauśikopalakṣitaputrapautraparamparātvena gotraśabdābhidheyāḥ | evaṃ ca gotraśabdasya paramparārūpadharmavācitvāt(1) taddharmmaviśiṣṭavyaktilābhāya sagotra iti | tenāvacchedakapuruṣasamānaputrapautraparamparāka ityeva viśeṣaṇaviśeṣyabhāvāt kauśikasagotra ityādinirdeśo bhavati | ata eva smṛtiḥ,— sagotrāṃ māturapyeke necchantyudvāhakarmaṇi | “asagotrā ca yā pituḥ” ityādi | mahābhārate, — parāśara sagòtrasya vṛddhasya sumahātmanaḥ | ityādinirdeśaḥ