Kalasara 18.p204

18.p204

pratipatteryathākathañcinnirvvāhāt hṛtamāṃsavarjanasaṅkalpena māṃsaṃ varjyameva | ata eva vijñāneśvaraiḥ,– “yajamānasya māṃse tu yathāruci” iti yadukaṃ, tenaiva jñāyate hṛtavarjanasaṅkalpena tyājyaṃ anyena bhakṣyamiti | ekādaśyupavāsādau tu “upavāso yadeti” ekādaśīprakaraṇa likhitavacanāda'rjanaśeṣavadāghrāṇamātrapratipattiriti || 0 || atha śrāddhādau(1) gotranāmapadānuccāraṇavicāraḥ | pāraskarapracetasau,– arghyadāne'nyasaṅkalpe(2) piṇḍadāne tathā kṣaye | gotrasambandhanāmāni yathāvat pratipādayet || viṣṇuḥ,– “nāmagotrābhyāmudaṅmukheṣu” iti | brāhme,– pradakṣiṇañca nirmmṛjyāt gotranāmānumantritam | chandogapariśiṣṭe,– gotranāmabhirāmantrya pitṝnarghyaṃ pradāpayet | śaṅkhalikhitau,– savyena pāṇinā dakṣiṇaṃ pāṇimupasamādhāya ekaikaṃ tribhirāmanrtya asāvetat iti | tribhiḥ gotrasambandhanāmabhiriti | evamanyānyapi bahūni vākyāni santīti | ādau nāmaprayogo yadvā gotraprayoga iti sandehe, nāmagotre samuccāryya athavā gotranāmanī | iti vikalpa iti kecit | (3)vastutastu nāmsṭahīnaviśeṣaṇe