Kalasara 18.p40

18.p40

dattaḥ,– naikaḥ śrāddhadvayaṃ kuryyāt samāne'hani kasyacit| na yajñaṃ na valiṃ caiva devarṣipitṛtarpaṇam || ityetat kāmyaśrāddhaparamiti vacanāntarāt | tathāca jāvālaḥ,– śrāddhaṃ kṛtvā tu tasyaiva punaḥ śrāddhaṃ na taddine | naimittikaṃ tu karttavyaṃ nimittānukramodaye(1) || kratuḥ,– śrāddhaṃ kṛtvā punaḥśrāddhaṃ na kuryyādekavāsare| yadi naimittikaṃ na syādekoddiṣṭaṃ(2) bhavedyadi || saṃghātamaraṇe śrāddhakramaḥ | vṛhaspatiḥ,– ekāhani vinaṣṭānāṃ bahūnāmathavā dvayoḥ | tantreṇa śrapaṇaṃ kṛtvā pṛthakpakvaṃ prakalpayet || kṛtvā pūrvamṛtasyādau dvitīyasya tataḥ param | tṛtīyasya tataḥ kāryyaṃ sannipāte layaṃ kramaḥ || bahūnāmekoddiṣṭānāṃ sannipāte iti śeṣaḥ