Kalasara 18.p56

18.p56

vākyādavisaṃkrāntayaḥ | atha nityadantadhāvane kāṣṭhaniṣedhāt kāṣṭhenāpi sukhārthadantadhāvane bhojanottarādṛṣṭārthadantadhāvane vā na kaścidvirodhaḥ | mṛtyuntare,– śrāddhe janmadine caiva vivāhe mukhadūṣite | vrate caivopavāse ca varjayeddantadhāvanam || tathā,– na bhakṣayeddantakāṣṭhamekādaśyāṃ nareśvara | ādityadivase caiva tasmādenau mahadbhavet || iti | kecidatra dīkṣākarmāṅgatvena dānahomapratiṣedhavat śrāddhādyaṅgatvena kāṣṭhakaraṇakaṃ dantadhāvanaṃ yadi pratiṣiddhyate(1) | tarhi paścāvālyabhāgayoriva vihitapratiṣedhāt vikalpa āpadyeta iti bhayena sukhārthadantadhāvananiṣedhaḥ(2) kalpanīya iti, tanna | vratopavāsadivase khāditvā dantadhāvanam | gāyatryāḥ śataśaḥ pūtā apaḥ prāśya viśuddhyati || iti karmāṅgabhraṃśaprāyaścittavidhānasya vaiyarthyāpatteḥ | nanu tarhi śrāddhadineṣu sukhārthadantadhāvanaṃ pūrvavat kāryyamiti cenna | sarvabhogavivarjitaḥ iti vākyāt śrāddhe bhogatvena eva tasya niṣedhāt | bhojanottaradantadhāvanasyāpyatra niṣedhaḥ | viśiṣya pūrvaṃprāyaścittokteḥ