Kalasara 18.p57

18.p57

niṣiddhadineṣvapi prakārāntaramāhapaiṭhaunasiḥ, - anābhe vā niṣedhe(1) vā kāṣṭhānāṃ dantadhāvanam | parṇena vā viśuddhena jihvollekhaṃ samācaret || smṛtyantare, - kuhūṣaṣṭhyornavamyāṃ ca pañcādau dantadhāvanam | parṇairanyaca kāṣṭhaistu jihvollekhaḥ sadaiva hi || vyāsaḥ, - alābhe dantakāṣṭhānāṃ pratiṣiddhe(2) dine tathā | apāṃ dvādaśagaṇḍūṣairvidadhyāddantadhāvanam || tathāca dantakāṣṭhaniṣedhe dvādaśajalagaṇḍūṣāṇāṃ śuddhaparṇasya ca samo vikalpaḥ, ataevāsmaddeśe sarvadā āmrapatraireva dantadhāvanaṃ kurvanti iti samācāraḥ | atra (3) gaṇḍūṣapace āyurbalamiti mantreṇa vanaspate ityatra jalagaṇḍūṣa ityūhaḥ kāryyaḥ | dhānyamasi ityādi mantreṣu tarasamasi ityāyūhaḥ kāryyaḥ iti tarasamayādhikaraṇanyāyāt | parṇapace tu nodhaḥ | tasyāpi kāṣṭhavat vanaspatijatvāt | niṣiddhadine'pi jihvollekhaḥ kāryya eva, jihvollekhaḥ sadaiva hi ityukteḥ