Kalasara 18.p93
Kālasāra 18.p93
- Language
- Sanskrit
18.p93
viṣṇuḥ,-sambhṛte śrāddhaṃ kuryāt rajasvalāṃ na paśyet na śvānaṃ na viḍvarāhaṃ na grāmakukkuṭaṃ prayatnācchāddhamannañca darśayet | punarviṣṇuḥ, -na hīnāṅgāḥ śrāddhaṃ paśyeyuḥ na śūdrā na patitā na mahārogiṇaḥ | uśanāḥ,-viḍvarāhanakulamārjārakukkuṭaśūdrarajasvalāśūdrībharttāraśca dūramapanetavyāḥ | hārītaḥ,- daive vā yadi vā pitrye surāpo yattu saṃspṛśet | rajasvalā puṃścalī vā rakṣasāṃ gacchate hi tat || vāyupurāṇe, - nagnādayo na paśyeyuḥ śrāddhamevaṃ vyavasthitam | gacchanti taistu dṛṣṭāni na pitṝn na pitāmahān || sarveṣāmeva bhūtānāṃ tapaḥsaṃvaraṇaṃ(2) kṛtam | tāṃ tyajanti tu ye mohātte vai nagnādayo dvijāḥ
Linked texts (6)
- Brahmāṇḍapurāṇa — Vyāsa, Sanskrit
- Vāyupurāṇa — Vyāsa, Sanskrit
- Smṛticandrikā — Devaṇṇabhaṭṭa, Sanskrit
- Gadādharapaddhati — Gadādhara Rājaguru 1725, Sanskrit
- Śrāddhakaumudī — Govindānanda 1500, Sanskrit
- Kālasāra — Gadādhara (Pāraskara commentator), Sanskrit