Kalasara 18.p94
Kālasāra 18.p94
- Language
- Sanskrit
18.p94
vṛddhaśrāvakake(1) śakyāḥ śākyajīvakakāpilāḥ | ye dharmānānuvarttante te vai nagrādayo janāḥ || vṛthājaṭī vṛthāmuṇḍo vṛthānagrāśca ye 'narāḥ | mahāpātakino ye ca te vai nagrādayo janāḥ || kukhalamānikāḥ śākyā vyādhā muṣṭikamallakāḥ | kukarmasaṃśritāste te kupathāḥ parikīrttitāḥ || ebhirnirhūtadṛṣṭaṃ vai śrāddhaṃ gacchati dānavān | devatānāmṛṣīṇāñca pāpavādaratāśca ye || asurān yātṛdhānāṃśca dṛṣṭametarnayatyuta | apūmānapavidvaśca kukkuṭo grāmasūkaraḥ || śvā caiva hanti śrāddhāni darśanādeva sarvaśaḥ | śvaviṭśūkarasaṃspṛṣṭaṃ dīrgharogibhireva ca || patitairmalinaiścaiva na draṣṭavyaṃ kathañcana | annaṃ paśyeyurete yattannasyāddhavyakavyayoḥ || utsṛjya pradhānārthaṃ saṃskārasyāpavikṛtaḥ | haviṣāṃ saṃskṛtānāṃ tu pūrvameva hi mārjanam || mṛtsaṃyuktābhiradbhistu prokṣaṇantu vidhīyate | siddhārthakauḥ kṛṣṇatilaiḥ kāryaścaivāvakīraṇam || gurūsūryāgnivastrāṇāṃ darśanaṃ vāpi yatnataḥ
Linked texts (5)
- Brahmāṇḍapurāṇa — Vyāsa, Sanskrit
- Vāyupurāṇa — Vyāsa, Sanskrit
- Gadādharapaddhati — Gadādhara Rājaguru 1725, Sanskrit
- Śrāddhakaumudī — Govindānanda 1500, Sanskrit
- Kālasāra — Gadādhara (Pāraskara commentator), Sanskrit