Kalasara 20.p27

20.p27

mucyamāne bhaveddhāmaṃ muktau (1)homo vidhīyate || brahmavaivartte, - snānaṃ syāduparāgānte madhye homaḥ surārcchanam | śivarahasye, - sūryyendugrahaṇaṃ yāvattāvat kuryyājjapādikam | na svapenna ca bhuñjīta snātvā bhuñjīta muktayoḥ || bṛhadvasiṣṭhaḥ, - sarvveṣāmeva varṇānāṃ nimittaṃ rāhudarśane | sacelaṃ ca bhavetsnānaṃ sūtakānnaṃ ca varjjayet || grahaekāle tataḥ pūrvvaṃ yāvat pakkaṃ, tatsarvvaṃ sūtakānnaṃ, nattu paścādapi na bhuñjītetyarthaḥ iti mādhavācāryyāḥ | brāhma, - upamadde lakṣaguṇaṃ grahaṇe candrasūryyayoḥ || puṇyaṃ koṭiguṇaṃ madhye (2) muktikāle tvanantakam | baudhāyanaḥśrotriyo'śrotriyo vāpi pātraṃ vāpyācameva vā | viprabruvo vā vipro vā grahaṇe dānamarhati || dakṣaḥ, - samamabrāhmaṇe dānaṃ dviguṇaṃ brāhmaṇabruve | śrotriye śatasāhasraṃ pātre tvānantyamaśnute