Kalasara 20.p35

20.p35

ayaṃ yogo gaṅgāyāmapi | tathā ca brāhme,–mahājyaiṣṭhyāṃ tu yaḥ paśyet puruṣaḥ puruṣottamam | viṣṇulokamavāpnoti mokṣaṃ gaṅgāmbumajjanāt || citrākṛṣṇacaturddaśī, puṣkarapurāṇe,— kārtike bhaumavāre tu yadā kṛṣṇacaturddaśī | tasyāmārādhitaḥ sthāṇurnayet śivapuraṃ dhruvam || yāṃ kāñcittsaritaṃ prāpya kṛṣṇapakṣe caturddaśīm | yamunāyāṃ viśeṣeṇa niyataṃ tarpayedyamam || yamāya dharmmarājāya mṛtyave cāntakāya ca | audumbarāya dadhnāya nīlāya parameṣṭhine || vṛkodarāya citrāya citraguptāya vai namaḥ | ekaikasya tilairmmiśrān cauṃstu dadyājjalāñjalīn | sambatsarakṛtaṃ pāpaṃ tatkṣaṇādeva naśyati || mahākārttikī, viṣṇupurāṇe,— viśākhāyāṃ yadā sūryyaśvaratyaṃśaṃ tṛtīyakam | tadā candraṃ(1) vijānīyāt kṛttikāśirasi sthitam || kṛttikāyāṃ yadā candraḥ prathamāṃśau bhavet kacit | mahatī sā tithirjñeyā snānadāneṣu cottamā || yadā cāmyāntu bhavati tithau tasyāntu kutracit | tithiḥ sāpi mahāpuṇyā ṛṣibhiḥ parikīrttitā || prājāpatyaṃ yadā ṛkṣaṃ tithau tasyāṃ narādhipa | sā mahākārttikī proktā devānāmapi durlabhā