Kalasara 5.p111

5.p111

mahāsiddhipradaṃ dhanyaṃ sarvaśatrunivarhaṇam | sarvvalokopakārārthaṃ viśeṣādsivṛttibhiḥ || karttavyaṃ brāhmaṇādyaistu kṣatriyairlokapālakaiḥ | godhanārthaṃ tathā vaiśyaiḥ śūdraiḥ putrasukhārthibhiḥ || saubhāgyārthaṃ tathā strībhiranyaiśca dhanakāṅkṣibhiḥ | mahāvrataṃ mahāpuṇyaṃ śaṅkarādyairanuṣṭhitam || etenāsya vratatvamapi spaṣṭaṃ | aca yattitthitattvakāraiḥ | “ceruhaviṣyaṃ bhuñjānāḥ kātyāyanyarttanavratam” | iti śrībhāgavatavākyamasya vratatvapratipādanāya udāhṛtaṃ tatpramādakṛtam | hemante prathame māsi nandabrajakumārikāḥ | iti tatpūrvāīoktestasya vratāntaratvāt | tathā, kṛṣṇāṣṭamīmityādivākyādasya ṣoḍaśadinātmakatvam | yattu devīpurāṇe,— pañcamekaṃ tu ye bhūpāḥ pūjayiṣyanti caṇḍikām | na teṣāṃ vipra rāṣṭreṣu bhayaṃ kiñcidbhaviṣyati || ityādi bahūni phalānyukkā,– caṇḍikāpūjanād vīra pūjitāḥ sarvvadevatāḥ | ityuktaṃ pañcadaśadinātmakatvam, tattitthicayādhīnam | tatra mūlāṣṭamīviṣaye, ādityapurāṇe,– prauṣṭhapadyāmatītāyāṃ yā sā kṛṣṇāṣṭamī bhavet | tasyāmavaśyaṃ karttavyā durgāpūjā yathāvidhi || viśvarūpanibandhe,— yadāṣṭamīṃ tu samprāpya astaṃ yāti divākaraḥ | tatra durgotsavaṃ kuryyānna kuryyādapare'hani || kulaṃ putraṃ dhanaṃ rājyaṃ dīrghañcāyustathaiva ca | prathamā cāṣṭamī pūjyā ye kāṅkṣanti sadā śubham || āśvayujyāṣṭamī yatra pūjyate navamīśritā | durbhikṣaṃ tatra,jānīyāddaśavarṣāṇi pañca ca