Kalasara 5.p112

5.p112

tathā, — saptamyāmandite sūryye parataścāṣṭamī yadi | tatra durgotsavaṃ kuryyānna kuryyādapare'hani || prathamāṣṭamī, mūlāṣṭamī | tathācātra astamayavedhasya pratiṣiddhatvāt tithitattvakāralikhitastithisāmānyapravṛttasūryodayatrimuhūrttavedho na grāhyaḥ | evaṃ sati, "prātarāvāhayet devīṃ prātareva visarjayet” ityādivākyaṃ astamayavedhasya sākalyāpavādakatvena prātaṇārabhya pūjākarmmārambhaṇīyaṃ, na tu aṣṭamī apekṣaṇīyetyevaṃ paraṃ bodhyam | ṣor̤aśadināsāmarthya skānde, kāśīkhaṇḍe,— navarātraṃ prayatnena pratyahaṃ sā samarcitā | nāśayatyeva vighnaughān sugatiñcaiva dāsyati || •bhaviṣyottare, — āśvine māsi śukle tu karttavyaṃ navarātrakam | pratipadādikrameṇaiva yāvacca navamī bhavet || śukle, śuklapakṣe | navarātrakam, navarātrasambandhipūjādikaṃ karma | tatra viddhāyāṃ pratipadi sāyāhnavedhaṃ gṛhītvā pūrvvaviddhaiva grāhyā | sammukhautithisu sāyāhnavedhasyoktatvāt | mādhavācāryyāstu, “āśvayuje māsi yo'yaṃ navarātrotsavaḥ kriyate tasya nakṣatratalāttatkrakālena vyavasthā” iti pañcamyādinavamyantapañcadinapakṣe'pi sāyāhnavedha eva, pañcamyāḥ sammukhautithitvāt | etatpakṣe pramāṇamatraiva lekhyam || tridinapakṣe 'rudrayāmalabhaviṣyayoḥ, — tridinaṃ vāpi karttavyaṃ saptamyādidinatraye | tatrāpi saptamyāḥ sammukhautithitvāt sāyāhnavedha eva || yattu, - vratī prapūjayeddevīṃ saptamyādidinatraye | dābhyāṃ caturahobhirvā hāsavṛddhibaśāntitheḥ